Interesting Facts : दृष्ट लागू नये म्हणून 'टच वूड' का म्हणतात? काय आहे याचा अर्थ आणि यामागचे कारण..?
- Published by:Pooja Jagtap
Last Updated:
Touch Wood meaning and origin : अनेकदा एखादी चांगली किंवा आनंदाची गोष्ट बोलताना किंवा भविष्यातील संभाव्य वाईट गोष्टीला टाळण्यासाठी लोक 'टच वुड' (Touch Wood) असे म्हणतात. ही म्हण विशेषत: तरुण पिढीमध्ये खूप लोकप्रिय आहे. परंतु ही म्हण नेमकी कशासाठी वापरली जाते आणि यामागे कोणते पारंपरिक आणि ऐतिहासिक संदर्भ दडलेले आहेत, हे जाणून घेणे रंजक ठरेल. चला पाहूया..
चांगले काही बोलून आपण अनेकांचे लक्ष वेधून घेऊ, अशी एक भीती माणसाच्या मनात असते. अशी भीती असते की, कोणीतरी आपल्या आनंदाचा हेवा करेल आणि त्याची वाईट नजर आपल्याला लागेल. या वाईट नजरेचा नकारात्मक प्रभाव दूर व्हावा यासाठी लाकडाला स्पर्श करण्याची प्रथा अस्तित्वात आली असे मानले जाते. यामुळे 'टच वूड' बोलून आपण दुर्दैव टाळू शकतो, अशी लोकांची धारणा आहे.
advertisement
'टच वूड' असे म्हणण्याची प्रथा नेमकी कधी आणि कुठे सुरू झाली हे निश्चितपणे माहित नाही. मात्र सोशल मीडियावर आढळणाऱ्या माहितीनुसार, ही प्रथा येशू ख्रिस्ताच्या जन्मापूर्वीपासूनच अस्तित्वात आहे. त्या काळातील अनेक पाश्चात्त्य संस्कृतींमध्ये असे मानले जात होते की, परी आणि चांगल्या आत्म्यांचा निवास झाडांमध्ये असतो.
advertisement
जगातील अनेक देशांमध्ये आजही झाडांची पूजा करण्याची प्रथा प्रचलित आहे. झाडे आपल्याला ऑक्सिजन देऊन जिवंत ठेवतात, म्हणून ती पवित्र मानली जातात. ख्रिश्चन लोक असेही मानतात की, झाडाला किंवा लाकडाला स्पर्श करणे आणि येशू ख्रिस्ताच्या लाकडी क्रॉसला स्पर्श करणे हे जीवनात शुभकामना आणि सकारात्मकता घेऊन येते.
advertisement
advertisement
advertisement
'टच वुड' ते 'नॉक ऑन द वुड' : आधुनिक पिढी दुर्दैव टाळण्यासाठी 'टच वुड' हा शब्दप्रयोग जवळजवळ एक म्हण म्हणून वापरते. पूर्वी इंग्लंडमध्ये, 'टच वुड' ऐवजी 'नॉक ऑन द वुड' हा शब्दप्रयोग अधिक सामान्य होता. मात्र, जसजसा काळ बदलला, तसतसा दुर्दैव दूर करण्यासाठी 'टच वुड' हा शब्दप्रयोग जगभरात अधिक प्रचलित झाला आणि आज तो सार्वत्रिकरित्या वापरला जातो.
advertisement
