ट्रिपलसीट दुचाकीची शिवशाही बसला धडक, एसटीच्या चाकाखाली आल्याने तिघांचा जागेवर मृत्यू; धडकी भरवणारे फोटो

बुलढाणा जिल्ह्यातील धाड येथील करडी गावाजवळ धरणावरील पुलावर शिवशाही बस आणि दुचाकीचा भीषण अपघात झाला आहे. या अपघातात 3 जणांचा जागीच मृत्यू झाल्या आहेत.

छत्रपती संभाजी नगर रोडवर एस.टी.महामंडळाच्या शिवशाही बसला समोरुन येणाऱ्या मोटारसायकलस्वारांची जोरदारपणे धडक बसली आणि दुचाकी थेट बसच्या चाकाखाली आली.

एस.टी.महामंडळाची शिवशाही बस छत्रपती संभाजी नगरवरुन मलकापूरकडे जातान हा अपघाच झाला. तर मोटारसायकल ही धाड गावाकडून येत होती

या अपघातात अंकुश सुखदेव पाडळे (वय 32) , कैलास साहेबराव शिंदे (वय 30),रवि सुरेश चंदनशिव (वय 23) या तीन जणांचा अपघातात जागीच मृत्यू झाला आहे.

अपघाताची माहिती मिळताच घटनास्थळावर तात्काळ नागरीकांनी धाव घेऊन तातडीने पोलीसांना व रुग्णवाहिकेला पाचारण करण्यात आले.

घटनास्थळावर मोठ्या प्रमाणात नागरीकांनी गर्दी केली होती. पोलीसांनी तातडीने त्या तिघा तरुणांना स्थानिक ग्रामीण रुग्णालयात हलविले मात्र डॉक्टरांनी त्यांना मृत घोषित केले.

पोलीसांनी घटनास्थळावर पंचनामा केला आहे. व घटनेची नोंद घेतली आहे. तातडीने एस टी बसला पोलिस ठाण्यात जमा करण्यात आले आहे.