Buldhana accident : प्रवाशांनी भरलेली बस 100 फूट दरीत कोसळली, बुलढाण्यात मोठी दुर्घटना, घटनास्थळाचे पहिले photos

बुलढाण्यामधून मोठी बातमी समोर आली आहे, दरीत कोसळून खासगी प्रवासी बसचा भीषण अपघात झाला आहे.

ही बस इंदोरहून अकोल्याकडे निघाली होती. जळगाव जामोद ते बुऱ्हाणपूर मार्गावर असलेल्या करोली घाटात बस शंभर फूट दरीत कोसळली.

या अपघातामध्ये 20 ते 25 प्रवासी जखमी झाले आहेत. जखमी प्रवाशांना उपचारासाठी तातडीनं दर्यापूर आणि बुऱ्हाणपूर येथील रुग्णालयात दाखल करण्यात आलं आहे.

पहाटे साडेपाच वाजेच्या सुमासार हा अपघात घडला आहे, सुदैवानं या अपघातामध्ये कोणतीही जीवितहानी झालेली नाही.

जळगाव जामोद - बुऱ्हाणपूर मार्गावरील दुर्गम अशा करोली घाटात हा अपघात झाल्याने मदत कार्य उशिरा सुरू झालं

अपघाताची माहिती मिळताच मध्यप्रदेश पोलीस रुग्णवाहिकेसह घटनास्थळी दाखल झाले. बस दरीत कोसळल्यानं बचाव कार्यात अडथळे येत होते. मात्र पोलिसांनी सर्व जखमींची सुखरूप सुटका करत त्यांना रुग्णालयात दाखल केलं आहे.

हा अपघात नेमका कसा झाला याबाबत माहिती मिळू शकलेली नाहीये, मात्र चालकाचं नियंत्रण सुटून हा अपघात झाला असावा असा अंदाज आहे.