Marathwada Weather Update: 31 डिसेंबरला पाऊस, मराठवाड्यातील या जिल्ह्यांना अलर्ट, पाहा आजचा हवामान अंदाज

डिसेंबरअखेर महाराष्ट्रातील हवामानात मोठे बदल जाणवत आहेत. राज्यातून अवकाळी पासवाने माघार घेतली असली तरी मराठवाड्यात चित्र वेगळे आहे. काही ठिकाणी हलक्या ते मध्यम पावसाची शक्यता वर्तवण्यात आलीये.

मराठवाड्यात 31 डिसेंबर रोजी आकाश ढगाळ राहणार आहे.  हवामान विभागाने दिलेल्या माहितीनुसार नांदेड, परभणी, हिंगोली आणि लातूर जिल्ह्यांमध्ये हलक्या ते मध्यम पावसाचा अंदाज व्यक्त केला आहे. पावसामुळे संपूर्ण क्षेत्रातील वातावरण गारवा आणि आर्द्रतेने भरलेले राहील.

मराठवाड्यात पुढील काही दिवसांत उष्णता कमी होईल आणि गारवा अधिक अनुभवायला मिळेल. तापमान साधारणतः 25 ते 27 अंश सेल्सियस दरम्यान राहण्याची शक्यता आहे. रात्रीचे तापमान 20 ते 22 अंश सेल्सिअस राहील.

शेतकऱ्यांसाठी हा पाऊस फायदेशीर ठरू शकतो. हलका पाऊस पिकांच्या वाढीसाठी उपयुक्त ठरेल. विशेषत: तूर, सोयाबीन आणि भाजीपाला या पिकांना पाणी आणि ओलावा आवश्यक असतो. पावसामुळे पिकांचा पोषण मिळवण्यास मदत होईल परंतु अधिक पावसामुळे कीटकांचा धोका वाढू शकतो. त्यामुळे शेतकऱ्यांना पिकांचे योग्य संरक्षण करणे आवश्यक आहे.

मराठवाड्यात पुढील काही दिवस ढगाळ हवामान राहण्याची शक्यता आहे. तर अवकाळी संकट टळल्यानंतर पुन्हा तापमान घट होणार असून नव्या वर्षात गारठा वाढणार आहे. सतत बदलत्या हवामानामुळे नागरिकांना आरोग्याची काळजी घ्यावी लागेल.