Manoj Jarange Patil : भाजप आमदार राणा पाटील मनोज जरांगेंच्या भेटीला! राजकीय वर्तुळात चर्चांना उधाण

भाजप आमदार राणा पाटील यांनी आज मराठा आरक्षण आंदोलनाचे नेते मनोज जरांगे पाटील यांची जालना येथील अंतरवाली सराटी येथे भेट घेतली.

मनोज जरांगे पाटील यांनी देवेंद्र फडणवीस यांच्यावर एकेरी टीका केल्याने राणा पाटील व मनोज जरांगे यांच्यात वाद झाला होता.

मनोज जरांगे यांच्यावर टीका करताना काळा दिवस असल्याचं राणा पाटील यांनी वक्तव्य केलं होतं. राणा पाटील यांच्या अशा वक्तव्याने मराठा समाज त्यांच्या विरोधात आजही आक्रमक आहे.

लोकसभा निवडणुकीत मराठा समाजाच्या रोषाचा राणा पाटील व महायुतीच्या उमेदवार अर्चना पाटील यांना सामना करावा लागत आहे. हा रोष कमी करण्यासाठी राणा पाटील यांनी मनोज जरांगे पाटील यांची भेट घेतल्याचे सांगितले जात आहे.

भेटीत राजकीय चर्चा नाही. फक्त तब्येतीची विचारपूस करण्यासाठी गेलो होतो. आमदार राणा पाटील यांची न्यूज 18 लोकमतला माहिती.