बचावासाठी झाडावर चढले पण....वणवा विझवताना वनपालाचा होरपळून मृत्यू

यवतमाळच्या हिवरी वनपरिक्षेत्रात मनपूर वर्तुळात रान तुळस वाढलेल्या जंगलात पेटलेला वन वणवा विझवीताना वनपालाचा होरपळून मृत्यू झाला आहे.

विजय शिंगनजुडे असे मृत वनपालाचे नाव आहे. जंगलात वणवा पेटल्याचे समजतात ते वरिष्ठांच्या आदेशावरून पथकासमवेत जंगलात पोहोचले.

सहकाऱ्यांसोबत आग विझवित असताना ते पुढे निघाले, दरम्यान आग वाढली, त्यावेळी त्यांचे सहकारी बाहेर निघून आले मात्र शिंगणजोडे चारही बाजूने आगीच्या विळख्यात सापडले.

बचावासाठी त्यांनी झाडावर आश्रय घेतला. आगीच्या ज्वाला भडकल्याने ते झाडावरून खाली कोसळले आणि ते ६० टक्के भाजले गेले.

गंभीर जखमी वनपाल शिंगनजुडे यांचे वर सुरुवातीला शासकीय रुग्णालयात उपचार करण्यात आले त्यानंतर डॉक्टरांच्या सल्ल्यावरून त्यांना छत्रपती संभाजीनगर येथील रुग्णालयात उपचार सुरू होते.

दरम्यान त्यांचा आज श्वासोच्छवास घेताना त्रास होऊ लागल्याने दुर्दैवी मृत्यू झाला. वनपाल वनरक्षकांना वणवा हाताळताना कुठल्याही सुविधा मिळत नाही, त्यांना प्रशिक्षण देखील दिले जात नाही.

वारंवार अशा घटना घडत असून आता तरी प्रशासन जागे होणार का असा संतप्त सवाल महाराष्ट्र राज्य वनरक्षक पदोन्नत वनपाल संघटने ने उपस्थित केला आहे.