ST bus accident : जळगावमध्ये शिवशाही बस आणि कारचा भीषण अपघात, समोरासमोर धडक होऊन मोठी दुर्घटना

जळगावमधून अपघाताची मोठी बातमी समोर येत आहे. शिवशाही बस आणि कारचा भीषण अपघात झाला आहे. चोपडा -धरणगाव रस्त्यावर हा अपघात झाला.

चोपडा शहाराजवळ असलेल्या सूतगिरणीजवळ शिवशाही बस व कारची समोरासमोर धडक झाली. या अपघातामध्ये तीन जणांचा जागीच मृत्यू झाला आहे तर एक जण गंभीर जखमी झाला आहे.

अपघातात ज्यांचा मृत्यू झाला ते धुळे जिल्ह्यातल्या साक्री तालुक्यातील निजामपूर येथील रहिवासी असल्याची माहिती समोर येत आहे.

या अपघातात जखमी झालेल्या व्यक्तीला स्थानिकांच्या मदतीनं तातडीनं रुग्णालयात दाखल करण्यात आलं आहे.

नवरात्रोत्सवानिमित्त मनुदेवीच्या दर्शनासाठी जात असताना भाविकाच्या कारला अपघात झाला आहे. दोन्ही वाहनांची समोरासमोर धडक झाली.