स्वेटर नाही तर छत्री आणि स्कार्फ घेऊन बाहेर पडा! थंडी गायब उकाडा सुरू! या आठवड्यात कसं राहील हवामान?

ऊन जरा जास्तच आहे, डोक्यावर स्कार्फ, पाण्याची बाटली आणि छत्रीही सोबत ठेवा कारण आता 7 दिवस घामाचा चांगल्याच धारा लागणार आहेत. याचं कारण म्हणजे दक्षिणेकडून येणाऱ्या वाऱ्यांमुळे हवामानात बदल होत आहेत. दोन वादळांमुळे हवामानात मोठे बदल झाले आहेत. संपूर्ण महाराष्ट्रात मुसळधार पावसाचा अलर्ट नसला तरी काही ठिकाणी तुरळक पावसाचा अंदाज वर्तवण्यात आला आहे.

राज्यात 24 आणि 25 नोव्हेंबर रोजी पाऊस पडणार आहे. सीमारेषेवरील भागांमध्ये हलक्या स्वरुपाचा पाऊस राहील. सोलापूर, सांगली, पंढरपूर, धाराशिव या पट्ट्यात हलक्या सरी पडणार आहेत. सोलापूर, सांगली आणि सातारा या पट्ट्यात फळ बागायतदारांना अवकाळी पावसाचा फटका बसणार आहे. रिमझिम पाऊस पडणार आहे.

25 नोव्हेंबर रोजी वादळासाठी अनुकूल परिस्थिती निर्माण झाली आहे. 2 डिसेंबर ते 7 डिसेंबरमध्ये अवकाळी पाऊस येणार आहे. तो पाऊस हलक्या स्वरुपाचा असेल 29 पासून राज्यात पावसाला सुरुवात होईल नागपूर, छत्तीसगडकडे पाऊस राहील. यवतमाळ, चंद्रपूर, गोंदिया जिल्ह्यांचा समावेश आहे. त्यानंतर पावसाचा जोर कमी होईल.

अचानक थंडी गायब झाली असून उकाडा वाढला आहे. मागच्या 48 तासांत उकाडा वाढला असून घामाच्या धारा लागल्या आहेत. रात्रीच्या वेळी देखील अनेक भागांमधून थंडी गायब झाली आहे. मे महिन्यासारखा उकाडा दिवसा जाणवत आहे. ऊन रखरखतंय, त्यामुळे घराबाहेर पडताना काळजी घ्यावी असं आवाहन केलं आहे.

पुणे जिल्ह्यात थंडिचा कडाका अंशत: कमी झाला असून रविवारी 32 कमाल आणि 16.7 अंश सेल्सिअस किमान तापमानाचा पारा नोंदविण्यात आला. आज कमाल तापमान 33 अंशापर्यंत राहिल. तसेच किमान तापमानात वाढ पारा 17 अंश सेल्सिअस राहिल. अंशत ढगाळ आकाशा, विजांसह पावसाची शक्यता आहे.

7 डिसेंबर नंतर पुन्हा राज्यात थंडीची लाट येणार आहे. ला निनासाठी वातावरण अनुकूल असल्याने कडाक्याची थंडी पडणार आहे. त्याआधी मात्र २ वादळांमुळे हवामानात विचित्र बदल झाले आहेत. दोन सायक्लोनिक सर्क्युलेशन उत्तरेकडे आणि अरबी समुद्र आणि पश्चिम बंगालच्या उपसागरात दक्षिणेकडे दोन वादळं तयार होत आहेत. पुढच्या 48 तासांत ते डिप डिप्रेशनमध्ये रुपांतरीत होऊ शकतं अशी शक्यता आहे.

दक्षिण भारतात अतिवृष्टीचा इशारा देण्यात आला आहे. महाराष्ट्रात अतिवृष्टी नाही मात्र हलक्या स्वरुपाचा पाऊस डिसेंबरच्या पहिल्या आठवड्यापर्यंत राहणार आहे. पुढच्या काही दिवसात कमाल तापमानात वाढ होण्याची शक्यता आहे. किमान तापमानात कोणतेही बदल होणार नाहीत. त्यामुळे नागरिकांनी काळजी घ्यावी.