रेशनकार्डधारकांनो धान्य मिळालं का? पावती घेतली का? आता एसएमएसवरूनच होणार थेट खात्री

पुणे : पिंपरी-चिंचवडमधील रेशन कार्डधारकांना आता धान्य मिळाल्याची संपूर्ण माहिती थेट त्यांच्या मोबाईलवर एसएमएसद्वारे पाठवण्यात येणार आहे. सार्वजनिक वितरण प्रणाली अधिक पारदर्शक करण्यासाठी या सुविधेला अधिकृत सुरुवात झाली आहे. या डिजिटल सेवेच्या माध्यमातून कार्डधारकांना कोणते धान्य, किती प्रमाणात आणि कोणत्या तारखेला मिळाले याचा त्वरित तपशील मिळणार आहे. पुरवठा विभागाकडून आधुनिक तंत्रज्ञानाचा वापर करून ही व्यवस्था उभारण्यात आली असून, यामुळे रेशनचे व्यवहार अधिक पारदर्शक आणि खात्रीशीर होण्यास मदत होणार आहे.