Maharashtra Weather: सिंधुदुर्गसह 'या' दोन जिल्ह्यांना दिला पावसाचा येलो अलर्ट, बाकी जिल्ह्यांची कशी असेल स्थिती?

Reported by:Kale Narayan
local18
Published by:Chetan Bodke

Last Updated:Oct 19, 2025 8:46 PM IST

नैऋत्य मानसूने राज्यांमधून माघार घेतल्यानंतर राज्यात बहुतांशी कोरडा हवामान पाहायला मिळत आहे. पोषक हवामान तयार झाल्यामुळे कोल्हापूर आणि सिंधुदुर्ग या दोन जिल्ह्यांना पुढील तीन दिवसांसाठी हवामान विभागाने येलो अलर्ट तर नांदेड ला पुढील दोन दिवसांसाठी येलो अलर्ट जारी करण्यात आला आहे. विदर्भात देखील 21 तारखेपासून पाऊस सक्रिय होण्याची चिन्हे आहेत. पाहूयात 20 ऑक्टोबर रोजी राज्यात हवामानाची स्थिती कशी असेल.

1/6

मुंबई शहर आणि उपनगरात सामान्यतः निरभ्र आकाश राहण्याची शक्यता आहे. मुंबईतील कमाल तापमान 35 अंश सेल्सिअस तर किमान तापमान 25° c एवढं असेल. कोकणातील सिंधुदुर्गला येलो अलर्ट देण्यात आला आहे.

2/6

पश्चिम महाराष्ट्रात कोल्हापूर जिल्ह्याला पुढील तीन दिवसांसाठी येलो अलर्ट जारी करण्यात आला आहे. तसेच सह्याद्रीच्या घाट भागांमध्ये आणि सांगली जिल्ह्यामध्ये तुरळक ठिकाणी हलक्या पावसाची शक्यता आहे.

3/6

उत्तर महाराष्ट्र मध्ये मुख्यतः निरभ्र आकाश आणि कोरडा हवामान पाहायला मिळेल. उत्तर महाराष्ट्रामध्ये पुढील काही दिवस पावसाची कोणतीही शक्यता नाही. नाशिक सह आसपासच्या जिल्ह्यांमध्ये किमान तापमानात घट पाहायला मिळत असून यामुळे थंडी वाढण्याची देखील शक्यता आहे.

4/6

मराठवाड्यातील नांदेड जिल्ह्याला 20 ऑक्टोबर साठी हवामान विभागाने येलो अलर्ट जारी केला. तर 21 ऑक्टोबर साठी परभणी हिंगोली आणि नांदेड या तीन जिल्ह्यांना येलो अलर्ट जारी करण्यात आला आहे. त्याचबरोबर पुढील दोन दिवस मराठवाड्यातील बीड धाराशिव लातूर या जिल्ह्यांमध्ये हलक्या ते मध्यम पावसाची शक्यता आहे.

5/6

विदर्भामध्ये मागील काही दिवसांपासून स्वच्छ हवामान पाहायला मिळालं परंतु 21 ऑक्टोबर पासून विदर्भामध्ये पुन्हा एकदा पाऊस सक्रिय होण्याची चिन्हे आहेत 21 22 आणि 23 ऑक्टोबर रोजी विदर्भातील सर्व जिल्ह्यांमध्ये हलक्यातील मध्यम पावसाची शक्यता हवामान विभागाने वर्तवली. तर 23 ऑक्टोबर रोजी साठी विदर्भातील सर्व जिल्ह्यांना हवामान विभागाने येलो अलर्ट जारी केला आहे.

6/6

दरम्यान नैऋत्य मान्सून राज्यातून पूर्णपणे माघारी फिरला आहे. तयार झालेल्या पोषक हवामानामुळे राज्यामध्ये काही जिल्ह्यांमध्ये हलक्यातील मध्यम सरींची शक्यता हवामाना विभाग आणि आगामी काळामध्ये वर्तवली आहे. त्यामुळे शेतकऱ्यांनी हवामानाचा अंदाज लक्षात घेऊन शेती कामाचे नियोजन करावे असं आवाहन देखील करण्यात आला आहे.

Maharashtra Weather: सिंधुदुर्गसह 'या' दोन जिल्ह्यांना दिला पावसाचा येलो अलर्ट, बाकी जिल्ह्यांची कशी असेल स्थिती?

फोटो

ताज्या बातम्या