Virar Crime : माथेफिरुचा माजी नगरसेविकेसह मतिमंद मुलावर प्राणघातक हल्ला; विरारमध्ये थरार

विरारमध्ये आदिवासी माजी नगरसेविकेसह एका मतिमंद मुलावर काठीने माथेफिरूने प्राणघातक हल्ला केला आहे.

या हल्ल्यात मतिमंद मुलगा आणि माजी नगरसेविका दोघेही गंभीर जखमी झाले असून, त्यांच्यावर खाजगी रुग्णालयात उपचार सुरू आहेत.

विरार पश्चिम आगाशी येथील यंग स्टार ट्रस्टच्या संगणक प्रशिक्षण केंद्रात आज दुपारी दीडच्या सुमारास ही घटना घडली आहे. हातात काठी घेऊन, प्राणघातक हल्ला करतानाचा सर्व प्रकार सीसीटीव्ही कॅमेऱ्यात कैद झाला आहे.

रंजना थालेकर असे माजी नगरसेविकेचा नाव असून, हाशिकेश नाईक असे मतिमंद मुलाचे नाव आहे. तर रवींद्र गावड असे हल्ला करणाऱ्या व्यक्तीचे नाव असल्याचे सांगण्यात येत आहे.

प्राणघातक हल्ला का व कशासाठी केला याचे कारण स्पष्ट झाले नसून, याबाबत अर्नाळा पोलीस ठाण्यात गुन्हा दाखल झाला आहे.