दोन शहरे, दोन दुर्घटना, पण वैमानिकांची 'ही' एक गोष्ट मात्र सारखीच; दुर्घटनेनंतर समोर आला थक्क करणारा खुलासा!

काही योग हे खूप विचित्र असतात, विचार केला तरी अंगावर काटा येतो. जेव्हा दोन वेगवेगळ्या विमान अपघातांची पाने उलटली जातात, तेव्हा समोर येणारं एक नाव सर्वांना सुन्न करून जातं. ते नाव म्हणजे सुमित. एका बाजूला अहमदाबादमध्ये प्रवाशांचे प्राण वाचवण्यासाठी धडपडणारा कॅप्टन सुमित सभरवाल आणि दुसरीकडे बारामतीच्या मातीत मृत्युमुखी झालेला कॅप्टन सुमित कपूर. नावातील हे साम्य लाखो लोकांच्या डोळ्यात पाणी आणत आहे.

काही दिवसांपूर्वी अहमदाबादमध्ये झालेल्या विमान अपघातात कॅप्टन सुमित सभरवाल होते. विमानात तांत्रिक बिघाड झाला असताना, विमान नागरी वस्तीत कोसळू नये आणि प्रवाशांचे प्राण वाचावेत म्हणून सुमित सभरवाल शेवटच्या क्षणापर्यंत प्रयत्न केले. त्यांनी विमानाचा ताबा सोडला नाही, मात्र दुर्दैवाने या संघर्षात त्यांनी आपले प्राण गमावले.

२८ जानेवारीला सकाळी ८.४५ मिनिटांनी बारामतीमध्ये उपमुख्यमंत्री अजित पवार यांच्या विमानाचा अपघात झाला. या विमानाच्या कॉकपिटमध्ये कॅप्टन सुमित कपूर होते. ते आणि शांभवी दोघे विमानाचे पायलट होते.

अतिशय अनुभवी आणि शांत संयमी स्वभाव म्हणून सुमित कपूर यांची ओळख होती. उपमुख्यमंत्री अजित पवारांच्या दौऱ्यासाठी सज्ज होते. लँडिंगच्या काही मिनिटं आधी काय घडलं कुणालाच कळलं नाही, विमानावरचा ताबा सुटला आणि थेट रनवे ऐवजी विमान खाली कोसळलं, भयंकर स्फोट झाला.

या दुर्घटनेत पायलट सुमित कपूर, शांभवी, उपमुख्यमंत्री अजित पवार यांच्यासह दोघांचा मृत्यू झाला. विमानातील पाचही जणांचा मृत्यू झाला. हवामान खराब असो वा तांत्रिक बिघाड, विमान आकाशात असताना शेकडो जीवांची जबाबदारी या वैमानिकांच्या खांद्यावर असते.

दोन्ही सुमितच्या कुटुंबावर आज दुःखाचा डोंगर कोसळला आहे. एकाच नावाचे दोन तरुण, दोन धाडसी वैमानिक आणि दोघांचाही शेवट विमान अपघातात व्हावा, हा योगायोग मनाला चटका लावून जाणारा आहे. नियतीने खेळलेला हा खेळ आज सोशल मीडियावर चर्चेचा विषय ठरला आहे.