Walmik Karad Car: धनंजय मुंडेंनी पुजा केलेली अन् योगायोगाने वाल्मिकने लिफ्ट मागितलेली Scorpio जप्त

खंडणी प्रकरणातील आरोपी वाल्मीक कराड याने सरेंडर होताना वापरलेली गाडी केज पोलिसांनी जप्त केली आहे.

खंडणी प्रकरणातील आरोपी वाल्मिक कराड 31 डिसेंबर रोजी पुण्याच्या पाषाण येथील सीआयडीच्या कार्यालयात शरण आला होता.

सीआयडीला शरण येताना वाल्मिक कराड शिवलिंग मोराळेचे गाडी वापरली होती.

शिवलिंग मोराळेच्या पत्नीच्या नावावर असलेल्या MH 23 BG 2231 क्रमांकाच्या पांढऱ्या रंगाच्या स्कॉर्पिओ वाल्मिक आला होता.

तपास यंत्रणांनी देखील कोर्टात दावा केला की, हीच गाडी वाल्मीक कराड यांनी फरार होताना वापरली आहे.

त्यामुळे तपास करण्यासाठी स्कार्पिओ गाडी जप्त करुन केज पोलीस ठाण्यात कव्हर टाकून झाकून ठेवण्यात आली आहे.

उपमुख्यमंत्री अजित पवार ज्यावेळी मस्साजोगला आले होते त्यावेळी ही गाडी त्यांच्या ताफ्यात असल्याचा दावा करण्यात आला आहे.

वाल्मिक कराड ज्यावेळी सीआयडी कार्यालयात आला तेव्हा त्याने हीच गाडी वापरली होती.

योगायोगाने गाडीचा मालक शिवलिंग मोराळेला वाल्मिकने लिफ्ट मागितली आणि सीआयडी कार्यालयात हजर झाला.

सर्वात महत्त्वाचे म्हणजे ही गाडी ज्या वेळी मोराळेनी विकत घेतली त्यावेळी या गाडीची पुजा धनंजय मुंडेंनी केल्याचा दावा जितेंद्र आव्हाडांनी केला आहे.