Akshaya Tritiya 2025 : ही संधी सोडू नका! अक्षय तृतीयेला पुण्यात सोनं झालं स्वस्त, 24 कॅरेटला मोजावे लागतील एवढे पैसे

साडेतीन मुहूर्तांपैकी एक असलेली अक्षय तृतीया आज मोठ्या उत्साहात साजरी केली जात आहे. या शुभ मुहूर्तावर अनेकजण मोठ्या प्रमाणात सोनं- चांदी खरेदी करतात, कारण या दिवशी केलेली खरेदी अक्षय मानली जाते.

अक्षय तृतीयेनिमित्त सराफ बाजारात खरेदीला उत्साह पाहिला मिळत आहे. पुण्यात सोन्याच्या दरात 60 रुपयांची घसरण झाली आहे.

सोने, चांदी यांसारख्या मौल्यवान वस्तू विकत घेण्यासाठी ग्राहकांची सराफ बाजारात मोठी गर्दी पाहायला मिळत आहे. सध्या 24 कॅरेट सोन्याचा दर 97,910 रुपये प्रति तोळा इतका आहे.

कालच्या तुलनेत सोन्याच्या दरात 60 रुपयांची घसरण झाली आहे. तसेच, चांदीचा दर 1,00,000 रुपये प्रति किलो असून त्यात 500 रुपयांची घट झाली आहे.

दरात झालेली ही घसरण आणि शुभ मुहूर्त यामुळे सराफ बाजारात खरेदीसाठी विशेष उत्साहाचे वातावरण आहे. त्यामुळे खरेदीसाठी मोठी गर्दी दिसत आहे.