Gold Investment साठी नवी स्किम झाली लॉन्च! 99 रुपये प्रति महिनाय करु शकता गुंतवणूक

Mirae Asset Gold ETF Fund of Fund नावाच्या या योजनेतील गुंतवणूकदार प्रत्यक्ष सोने खरेदी किंवा साठवण्याच्या अडचणीशिवाय सोन्यात गुंतवणूक करू शकतात. एकूणच, मिरे ॲसेट गोल्ड ईटीएफ फंड ऑफ फंड्स हा सोन्यात गुंतवणूक करण्याचा एक सोपा आणि परवडणारा मार्ग आहे. तुम्हाला बाजारातील चढउतारांमध्ये तुमच्या पोर्टफोलिओला काही स्थिरता मिळवून द्यायची असेल आणि महागाईपासून बचाव करायचा असेल, तर हा NFO तुमच्यासाठी चांगला गुंतवणूक पर्याय असू शकतो. खरंतर, या योजनेची रिस्क लेव्हल रिस्कोमीटरवर 'हाय' ठेवण्यात आली आहे, म्हणून यामध्ये गुंतवणूक करण्याचा निर्णय घेण्यापूर्वी, तुमची रिस्क घेण्याची क्षमता काळजीपूर्वक तपासा.

Mirae Asset Mutual Fund ने नवीन फंड ऑफर (NFO) सादर केली आहे. नवीन फंड ऑफर (NFO) - बुधवार, 16 ऑक्टोबर 2024 रोजी उघडली आणि 22 ऑक्टोबर 2024 रोजी बंद होईल. या NFO मधील गुंतवणूकीची किमान रक्कम 5,000 रुपये ठेवण्यात आली आहे, तर सिस्टिमॅटिक इन्व्हेस्टमेंट प्लॅन (SIP) द्वारे दरमहा किमान 99 रुपयांपासून गुंतवणूक सुरू करता येते.

हा एक ओपन-एंडेड फंड आहे जो Mirae Asset Gold ETF च्या युनिट्समध्ये गुंतवणूक करेल. दीर्घकालीन गुंतवणूकदारांना कॅपिटल ग्रोथ देणे हे त्याचे मुख्य उद्दिष्ट आहे. ज्या गुंतवणूकदारांना सोन्यात गुंतवणूक करायची आहे परंतु प्रत्यक्ष सोने खरेदी आणि साठवण्याचा त्रास टाळायचा आहे त्यांच्यासाठी हा एक चांगला पर्याय आहे.

NFO बद्दल महत्वाच्या गोष्टी - स्किम पुन्हा कधी उघडेल - ती 28 ऑक्टोबर 2024 रोजी उघडेल. किमान गुंतवणूक: 5,000 रुपये आणि त्यानंतर 1 रुपयाच्या मल्टीपलमध्ये अॅडिशनल मिनिमम इनव्हेस्टमेंट 1,000 रुपये आणि त्यानंतर 1 रुपयांच्या मल्टीपलमध्ये. लिंक्ड ETF: Mirae Asset Gold ETF आहे.

या फंडाद्वारे, तुम्ही प्रत्यक्ष सोने खरेदीशी संबंधित अडचणींशिवाय गोल्ड ईटीएफमध्ये गुंतवणूक करून सोन्याच्या किमती वाढण्याचा फायदा घेऊ शकता. Mirae Asset Gold ETF ची युनिट्स ज्यात तुम्ही या योजनेद्वारे गुंतवणूक कराल ते लंडन बुलियन मार्केट असोसिएशन (LBMA) द्वारे प्रमाणित 99.5% किंवा त्याहून अधिक शुद्धतेच्या सोन्याच्या गुंतवणुकीशी जोडलेले आहेत. त्यामुळे, गुंतवणूकदारांना भौतिक सोने खरेदीशी संबंधित स्टोरेज आणि शुद्धता यांसारख्या जोखमींशिवाय अधिक चांगल्या रिटर्नचा ऑप्शन मिळू शकतो.

या कारणास्तव, गुंतवणूकदारांना त्यांच्या पोर्टफोलिओमध्ये विविधता आणण्यासाठी सोन्यात गुंतवणूक करणे हा एक चांगला मार्ग मानला जातो. या फंडातील गुंतवणूक तुमच्या पोर्टफोलिओमध्ये स्थिरता आणू शकते, विशेषत: आर्थिक अनिश्चिततेच्या काळात, कारण बाजारातील चढ-उतार आणि चलनवाढीच्या काळात सोने अनेकदा चांगले प्रदर्शन करते. यामुळेच सोने ही मजबूत आणि सुरक्षित गुंतवणूक मानली जाते.

सोन्याच्या किमतीतील संभाव्य वाढीचा फायदा घेऊ इच्छिणाऱ्या, पण प्रत्यक्ष सोन्याऐवजी गोल्ड ईटीएफमध्ये गुंतवणूक करू इच्छिणाऱ्या गुंतवणूकदारांसाठी हा फंड एक चांगला ऑप्शन आहे. दीर्घकालीन भांडवली वाढीच्या शोधात असलेल्या गुंतवणूकदारांसाठी देखील हा एक चांगला ऑप्शन आहे. गोल्ड ईटीएफमध्ये थेट गुंतवणूक करण्याऐवजी फंडाच्या गोल्ड ईटीएफ फंडमध्ये गुंतवणूक करण्याचा फायदा असा आहे की गुंतवणूकदार एसआयपीद्वारे देखील यामध्ये नियमित गुंतवणूक करू शकतात. तर ETF मध्ये SIP सुविधा नाही. मिरे ॲसेट गोल्ड ईटीएफ फंड ऑफ फंड्समध्ये किमान एसआयपी रक्कम फक्त 99 रुपये आहे, ज्यामुळे त्यात गुंतवणूक करणे आणखी सोपे होते. खरंतर, ETF मध्ये एक्सपेन्स रेशियो खूप कमी राहतो.