विकेण्डला जुहू चौपाटीला जायचा प्लॅन होणार चौपट, मरिन्सलाही नका जाऊ, BMC ने दिला अलर्ट

विकेण्डला फिरायला किंवा संध्याकाळी सहज म्हणून फेरफटका मारायला मरीन ड्राईव्ह, नरेमन किंवा दादर चौपाटी, वर्सोवा चौपाटीला जायचा प्लॅन असेल तर सावधान! तुमच्यासाठी महत्त्वाची बातमी आहे. BMC ने हायअलर्ट जारी केला आहे. त्यामुळे तुमचा हा प्लॅन होल्ड करा किंवा BMC ने दिलेल्या वेळा पाहून बाहेर पडा. सध्या हवामानात मोठे बदल होत आहेत.

एकीकडे डिटवाह चक्रीवादळ तर दुसरीकडे अरबी समुद्रात कमी दाबाचा पट्टा तयार झाल्याने समुद्र खवळला आहे. त्यामुळे वातावरणात वेगानं बदल होत आहेत. 4 ते 7 डिसेंबर दरम्यान मुंबईत BMC कडून अलर्ट जारी करण्यात आला आहे. 3 दिवस हाय टाइड असणार आहे. 4 ते 7 डिसेंबरदरम्यान समुद्रावर जाताना विशेष काळजी घ्या.

समुद्रात 5.3 मीटर इतक्या उंच लाटा येणार असल्याचा प्राथमिक अंदाज आहे. समुद्रात हाय टाइड असल्याने न जाण्याचं आवाहन केलं आहे. BMC डिझास्टर मॅनेजमेंटने दिलेल्या माहितीनुसार 6 डिसेंबर रोजी रात्री 12.39 वाजता 5.3 उंच लाटा येणार आहेत. त्यामुळे नाईट आऊटचा प्लॅन तुमच्या मुंबईच्या समुद्रावर किंवा मरिन ड्राईव्हवर असेल तर आताच सावध राहा.

या कालावधीमध्ये समुद्रकिनाऱ्यावर न जाण्याचं आवाहन केलं आहे. भरतीवेळी समुद्र किनाऱ्यावर जाणं धोक्याचं ठरू शकतं त्यामुळे नागरिकांनी सतर्क राहावं आणि या कालावधीत जाणं टाळावं असं सांगितलं आहे.

४ सप्टेंबर रोजी रात्री 11.53 मिनिटांनी 4.96 मीटर उंच लाटा येणार आहेत. तर 5 डिसेंबर रोजी रात्री 11.30 वाजता ४.१४ मीटर उंच लाटा येतील. ६ डिसेंबर रोजी दुपारी १२.३९ मिनिटांनी ५.३ मीटर उंच लाटा येणार आहेत. तर रात्रीच्या वेळी ४.१७ मीटर उंच लाटा येणार आहेत.

७ डिसेंबर रोजी १.२७ रात्री उशिरा पुन्हा 5 मीटरपेक्षा उंच लाटा येणार आहेत. तर ७ डिसेंबर रोजी पुन्हा सकाळी देखील हाय टाइड असेल. ४.१५ मीटर उंच लाटा येणार आहेत. त्यामुळे या कालावधीमध्ये समुद्रावर न जाण्याचं आवाहन करण्यात आलं आहे.