Weather Alret : मुंबईत गारठा कायम, पुण्यात आज हवामान कसं? IMD कडून महत्त्वाचं अपडेट

राज्यात आज पुन्हा तापमानातील चढ-उतार सुरूच राहणार आहेत. हवामान विभागाच्या माहितीनुसार, गेल्या दोन दिवसांत थंडी काही भागात वाढली आणि काही ठिकाणी कमी झाली होती. आज मात्र कोकणापासून पश्चिम महाराष्ट्रापर्यंत हवा कोरडी राहणार असून सकाळ-संध्याकाळ गारवा कायम राहील. आकाश स्वच्छ असल्याने दिवसा तापमान कालच्यापेक्षा किंचित वाढणार आहे, तर रात्री गारवा पुन्हा जाणवणार आहे. पुढील दोन ते तीन दिवस हेच हवामान टिकणार आहे.

मुंबईत काल किमान तापमान 19°C नोंदले गेले होते, तर आज पहाटे 18–19°C राहिले. हवामान विभागानुसार दिवसा तापमान 31°C पर्यंत जाणार असून दुपारच्या वेळेत उष्णता वाढेल. संध्याकाळनंतर पुन्हा गारवा वाढेल. पालघरमध्ये थंडी कालच्यापेक्षा जास्त जाणवली असून आज सकाळचे तापमान 16–17°C वर स्थिर राहिले. दुपारी तापमान 30–31°C दरम्यान राहील. रायगड, रत्नागिरी आणि सिंधुदुर्ग जिल्ह्यांतही कालपेक्षा थोडा गारवा कमी असून किमान तापमान 18–19°C, तर दिवसीचे तापमान 31–32°C आहे. पुढील तीन दिवस या भागांमध्ये तापमानात मोठा बदल होणार नाही.

ठाण्यात काल किमान तापमान 18°C होते, तर आज सकाळी ते 17–18°C वर टिकून आहे. दिवसा तापमान 31–32°C पर्यंत वाढलेले असेल. नवी मुंबईत आज सकाळी हलका गारवा जाणवला असून किमान तापमान 18–19°C राहिले. दुपारी तापमान 31°C च्या आसपास राहील. कल्याणमध्ये कालच्या तुलनेत आज किमान तापमानात किंचित वाढ झाली असून तापमान 16°C वरून 17°C पर्यंत गेले आहे. पुढील दोन दिवस या भागांत सकाळी हलका गारवा आणि दिवसा उबदार हवा अशीच स्थिती राहणार आहे.

पुण्यात कालच्या तुलनेत आज गारवा किंचित कमी झाला आहे. काल किमान तापमान 15°C नोंदले होते, तर आज ते 16–17°C दरम्यान राहिले. दिवसा तापमान 30°C च्या आसपास राहणार आहे. संध्याकाळनंतर हवा पुन्हा गार होईल. हवामान विभागानुसार पुढील तीन दिवस पुण्यात थंडी वाढणार नाही. तापमान हे 15–17°C किमान आणि 29–31°C इतकं राहणार आहे.

पश्चिम आणि मध्य महाराष्ट्रात आज सकाळी हलका गारवा जाणवला असला तरी दुपारी तापमान थोडं वाढणार आहे. संभाजीनगरमध्ये आज किमान तापमान 14°C च्या आसपास तर दिवसा 28–29°C राहील. पुणे आणि बारामती परिसरातही अशीच स्थिती असून सकाळी 15–17°C नोंदले गेले आणि दुपारी तापमान 30°C पर्यंत जाण्याची शक्यता आहे. अहिल्यानगरमध्ये आज सकाळचे तापमान 15°C तर दुपारी 30°C च्या आसपास उब राहील. सोलापूरमध्ये गारवा कमी असून तापमान सकाळी 16°C तर दिवसा 31–32°C पर्यंत वाढेल. पुढील दोन दिवस या भागात सकाळचा हलका गारवा आणि दुपारची सौम्य उष्णता अशीच परिस्थिती कायम राहणार आहे.