Pune: एकतर्फी प्रेमातून कॉलेज तरुणीवर कोयत्याने वार, हल्लेखोराचाही भयंकर अंत, जुन्नरमधील घटनेला नवं वळण

सचिन तोडकर, प्रतिनिधी जुन्नर: पुण्यातील जुन्नर तालुक्यात एक काळजाचा थरकाप उडवणारी घटना समोर आली आहे. बुधवारी इथं एका कॉलेजच्या तरुणीवर जीवघेणा हल्ला करण्यात आला होता. एका तरुणाने एकतर्फी प्रेमातून तरुणीच्या डोक्यावर आणि चेहऱ्यावर कोयत्याने वार केले होते. हा हल्ला केल्यानंतर तरुण फरार झाला होता. मात्र आता अखेर हल्ला करणारा हा तरुण मृत आढळून आला आहे. जुन्नर परिसरातील एका टेकडीवर गळफास घेतलेल्या अवस्थेत त्याचा मृतदेह सापडला आहे. हल्लेखोराचा अशाप्रकारे मृतदेह आढळल्याने विविध चर्चांना उधाण आलं आहे.