Mumbai : निवडून येण्यासाठी कायपण...! मुंबईच्या विक्रोळीत तब्बल 60 कोटींच्या चांदीच्या विटा सापडल्या

विधानसभा निवडणुकीच्या पार्श्वभूमीवर निवडणूक आयोगाच्या भरारी पथकाची करडी नजर आहे. सर्वत्र नाकाबंदी असून भरारी पथक गाड्यांची कसून तपासणी करते.

आचारसंहिता लागू झाल्यापासून आतापर्यंत राज्यात शेकडो कोटींची रोकड, सोने आणि चांदी जप्त झालीय. आता विक्रोळीत एका गाडीत तब्बल साडे सहा टन चांदी आढळली आहे.

विक्रोळीत पोलीस आणि निवडणूक आयोगाच्या भरारी पथकाने एक कॅश व्हॅन अडवली. गाडीची तपासणी करताच अधिकाऱ्यांनाही मोठा धक्का बसला.

कॅश व्हॅनमध्ये चांदीच्या विटा सापडल्या असून या साडे सहा टन वजनाच्या आहेत. त्यांची आजच्या बाजारभावानुसार किंमत जवळपास ६० कोटींच्या घरात आहे.

चांदीच्या विटा मुलुंड मधील एका गोदाम मध्ये ब्रिंक्स या कंपनीेच्या गाडीतुन ठेवण्यासाठी चाल्या होत्या या विटा अधिकृत असल्याची माहिती समोर आली आहे. याबाबत अधिक तपास केला जात आहे.