Chanakya Niti : स्वयंपाक करताना या चुका करू नका, घराचं सुख गमावून बसाल

आचार्य चाणक्यांचा असा विश्वास होता की अन्न तयार करताना निष्काळजीपणा केवळ अन्नावरच नाही तर संपूर्ण कुटुंबाच्या प्रगतीवर आणि आनंदावर परिणाम करतो.

चाणक्य यांच्या मते, स्वयंपाक करताना शरीर आणि कपडे दोन्ही स्वच्छ ठेवणं आवश्यक आहे. अंघोळ न करता किंवा घाणेरड्या कपड्यांमध्ये स्वयंपाक करत असेल तर ते अन्न अशुद्ध मानलं जातं. असं अन्न फक्त आरोग्यालाच हानी पोहोचवत नाही तर मानसिक शांततादेखील निर्माण करू शकतं. यामुळे हळूहळू घरात नकारात्मक ऊर्जा पसरते आणि समृद्धी कमी होते.

जेव्हा एखादी स्त्री रागात, रडत किंवा निराश असताना स्वयंपाक करते तेव्हा त्या नकारात्मक विचारांची ऊर्जा थेट अन्नात जाते. असं अन्न खाल्ल्याने कुटुंबातील सदस्य चिडचिडे होऊ शकतात, संघर्ष वाढू शकतात आणि एकाग्रता कमी होऊ शकते. चाणक्य यांच्या मते, स्वयंपाक करताना शांत मन आणि सकारात्मक विचार असले पाहिजेत, जेणेकरून अन्न घरात आनंद आणि शांती आणू शकेल.

बरेच लोक स्वयंपाक करताना फोनवर बोलतात किंवा टीव्ही पाहतात. यामुळे लक्ष विचलित होतं, परिणामी अन्न एकतर करपतं किंवा नीट शिजत नाही. स्वयंपाक करताना पूर्णपणे स्वयंपाकघरात लक्ष केंद्रीत कंले पाहिजे, कारण या कामात केवळ शरीरच नाही तर मन आणि आत्मा यांचा समावेश असतो.

जुनं तेल, शिळ्या भाज्या किंवा वाईट मसाले वापरत असाल तर असं अन्न हानिकारक ठरू शकतं. अन्न जितकं ताजं, स्वच्छ आणि शुद्ध असेल तितकं ते शरीर आणि मन मजबूत करतं. खराब अन्नामुळे पोटाचे आजार, अशक्तपणा आणि आळस येऊ शकतो, ज्यामुळे घरातील कामांवरही परिणाम होऊ शकतो.

स्वयंपाकघर नेहमीच पवित्र मानलं गेलं आहे. चाणक्य म्हणतात स्वयंपाक करताना देवाचं स्मरण करणं, कृतज्ञता बाळगणे आणि सकारात्मकता राखणं महत्त्वाचं आहे. यामुळे अन्नात शुभ ऊर्जा भरते, ज्यामुळे संपूर्ण घरात आनंद आणि समृद्धी येते. ध्यान आणि श्रद्धेशिवाय स्वयंपाक करणाऱ्यांना त्यांच्या घरात मानसिक अशांतता आणि भाग्याचा अभाव जाणवतो.

सूचना : हा लेख सर्वसामान्य माहितीवर आधारित आहे. जो फक्त माहितीसाठी देण्यात आला आहे. (सर्व फोटो : AI Generated)