Weather Alert: पश्चिम महाराष्ट्रात पुन्हा धो धो कोसळणार, कोल्हापूर ते पुणे 24 तास पावसाचे, आजचा हवामान अंदाज

गेल्या काही दिवसांत राज्यात मान्सूनचा जोर वाढला होता. आता मात्र पावसाची तीव्रता काही प्रमाणात कमी होणार आहे. आज 27 जुलै रोजी कोकण, घाटमाथा, विदर्भात जोरदार पावसाची शक्यता असल्याने सतर्कतेचा इशारा देण्यात आला आहे. रायगडसह पुणे आणि साताऱ्याच्या घाटमाथ्यावर जोरदार पावसाची शक्यता असल्याने दक्षतेचा ऑरेंज अलर्ट हवामान विभागाने दिला आहे.

मागील 24 तासात पुणे जिल्ह्यात 13.1 मिलीमीटर पाऊस नोंदविण्यात आला. यावेळी कमाल तापमानाचा पारा 26.6 अंश सेल्सिअसवर होता. पुढील 24 तासात पुणे घाटमाथ्यावर जोरदार पावसाची शक्यता असल्याने दक्षतेचा ऑरेंज अलर्ट हवामान विभागाने दिला आहे. तसेच उर्वरित पुणे जिल्ह्यात मध्यम पावसाचा अंदाज आहे. आज कमाल तापमान 26 तर किमान तापमान 22 अंश सेल्सिअस इतके राहील.

सातारा जिल्ह्यात मागील 24 तासात जोरदार पाऊस कोसळला. सातारा परिसरामध्ये 21 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 26 अंश सेल्सिअस राहील. सातारा घाटमाथ्यावर जोरदार पावसाची शक्यता असल्याने सावधानतेचा ऑरेंज अलर्ट जारी केला आहे.

कोल्हापूर जिल्ह्यात मागील 24 तासात 24 मिलीमीटर पावसाची नोंद झाली. यावेळी कमाल तापमान 23.8 अंश सेल्सिअस राहिले. पुढील 24 तासात कमाल तापमान 25 अंशावर राहील. तसेच कोल्हापूर घाटमाथ्यावर जोरदार पावसाची शक्यता असल्याने दक्षतेचा यलो अलर्ट देण्यात आला आहे.

सोलापूर जिल्हात मागील 24 तासात 14 मिलीमीटर पावसाची नोंद झाली. यावेळी कमाल तापमानाचा पारा 25.7 अंशावर राहिला. पुढील 24 तासात कमाल तापमान 29 अंशावर राहण्याची शक्यता आहे. तसेच सोलापूर जिल्ह्यात हलक्या पावसाची शक्यता कायम आहे.

गेल्या 24 तासात सांगली जिल्ह्यामध्ये 19 मिलीमीटर पावसाची नोंद झाली. आज ढगाळ आकाशासह मध्यम पावसाची शक्यता हवामान विभागाने वर्तवली आहे. यावेळी जिल्ह्यातील कमाल तापमान 27 तर किमान तापमान 22 अंश सेल्सिअस इतके राहील.

पश्चिम महाराष्ट्रातील सर्वच जिल्ह्यांत हलक्या ते मध्यम पावसाची शक्यता आहे. पुणे घाटमाथ्यावर जोरदार पावसाची शक्यता असल्याने सतर्कतेचा ऑरेंज अलर्ट दिला आहे. तसेच राधानगरी, चांदोली धरणांतून पाण्याचा विसर्ग नदीपात्रात सुरु आहे. त्यामुळे नदीकाठावरील लोकांनी सतर्क राहणे आवश्यक आहे.