Pune Weather : पुढील 24 तास धोक्याचे, पश्चिम महाराष्ट्रात पाऊस कोसळणार, हवामान विभागाचा अलर्ट

राज्यात पावसाने उघडीप दिल्याने 'ऑक्टोबर हीट'चा चटका कायम आहे. ढगाळ हवामान असलेल्या उकाडा वाढला आहे. आज दिनांक 20 ऑक्टोबर रोजी सिंधुदुर्ग, कोल्हापूर, नांदेड या जिल्ह्यांत विजांसह पावसाची शक्यता असल्याने दक्षतेचा इशारा आहे. कोकण, मध्य महाराष्ट्र आणि मराठवाड्यात तुरळक ठिकाणी विजांसह पावसाची शक्यता हवामान विभागाने वर्तविली आहे. पुढील 24 तासांसाठी पश्चिम महाराष्ट्रात हवामानाची स्थिती कशी राहील पाहुयात.

पुणे जिल्ह्यात रविवारी 32.3 अंश सेल्सिअस कमाल तापमानाची नोंद झाली. आज पुणे जिल्ह्यात विजांसह पावसाचा यलो अलर्ट हवामान विभागाने दिला आहे. यावेळी कमाल तापमानाचा पारा 32 अंशावर राहिल. कमाल तापमानात अंशत वाढ होऊन विजांसह पावसाची शक्यता आहे.

मागील 24 तासात सातारा जिल्ह्यातील कमाल तापमान 31.6 अंश सेल्सिअस इतके राहीले. आज संपूर्ण साताऱ्यासह घाटमाथ्यावर विजांसह पावसाची शक्यता भारतीय हवामान विभागाकडून वर्तवण्यात आली आहे. यावेळी कमाल तापमानाचा पारा 32 अंशावर राहिल.

कोल्हापूर जिल्ह्यात काल रविवार 31.8 अंश सेल्सिअस तापमानाची नोंद झाली. पुढील 24 तासात कोल्हापूरसह घाटमाथ्यावर विजांसह पावसाची शक्यता असल्याने दक्षतेचा यलो अलर्ट आयएमडी कडून देण्यात आला आहे. यावेळी कमाल तापमान 32 अंश सेल्सिअस इतके राहिल.

रविवार सोलापूर जिल्ह्यात 34.9 अंश सेल्सिअस कमाल तापमानाची नोंद झाली. यावेळी कमाल तापमान 35 अंशावर राहिल. आज जिल्ह्यात ढगांच्या गडगडाटासह हलक्या पावसाची शक्यता वर्तवण्यात आली आहे. यावेळी पारा 35 अंशावर राहण्याचा अंदाज हवामान विभागाकडून वर्तवण्यात आला आहे.

सांगली जिल्ह्यात मागील 24 तासात 32.5 अंश सेल्सिअस तापमानाची नोंद झाली. आज जिल्ह्यात विजांसह पावसाची शक्यता वर्तवण्यात आली आहे. यावेळी पारा 33 अंशावर राहण्याचा अंदाज हवामान विभागाकडून वर्तवण्यात आला आहे.

आज संपूर्ण पश्चिम महाराष्ट्रात विजांसह पावसाची शक्यता वर्तवण्यात आली आहे. तसेच उर्वरित राज्यात तुरळक ठिकाणी विजांसह पावसाचा अंदाज वर्तवण्यात आला आहे. कमाल तापमान 32 अंशावर राहत असून पश्चिम महाराष्ट्रात विजांसह पावसाला पोषक हवामान असले तरिही तापमानात वाढ कायम आहे.