Pune Weather Update : पुढील 24 तास धोक्याचे, पश्चिम महाराष्ट्रात पारा 10 च्या खाली, हवामान खात्याचा अलर्ट

उत्तरेकडील गोठवणारी थंडी महाराष्ट्रावर येऊन धडकत असल्याने थंडीची तीव्र लाट आली आहे. काही ठिकाणी पारा 7 अंशांच्या खाली घसरल्याने हंगामातील नीचांकी तापमानाची नोंद होत आहे. निफाडमध्ये तापमान अधिकच घसरल्याने दबबिंदू गोठल्याचे दिसून आले. आज दिनांक 19 नोव्हेंबर रोजी उत्तर महाराष्ट्रात थंडीच्या लाटेचा इशारा असून, उर्वरित राज्यात गारठा कायम राहण्याचा अंदाज हवामान विभागाने वर्तविला आहे. पश्चिम महाराष्ट्रात पुढील 24 तासांत हवामानाची स्थिती कशी राहील पाहुयात.

पुणे जिल्ह्यात थंडिचा कडाका कायम असून पारा मंगळवारी 26.3 कमाल आणि 9 अंश सेल्सिअस किमान तापमानाचा पारा नोंदविण्यात आला. आज पुणे जिल्ह्यातील कमाल तापमान 27 अंशापर्यंत राहिल. तसेच किमान तापमानाचा पारा 10 अंश सेल्सिअस राहिल. साताऱ्यात गारठा वाढत असून धुक्यासह दव पडत आहेत.

मंगळवारी साताऱ्यातील कमाल तापमानाचा पारा 29.9 अंशावर राहिला. तर 10.6 अंश सेल्सिअस किमान तापमान राहिले. आज सातारा जिल्ह्यात किमान आणि कमाल तापमान 12 ते कमाल 31 अंश सेल्सिअस दरम्यान राहिल.

कोल्हापूरमध्ये देखिल गारठा वाढत असून दिवसाची सुरुवात साधारण 16 अंश सेल्सिअसच्या किमान तापमानाने होवून, जसजसा दिवस पुढे जाईल तसतसे कमाल तापमान 30 अंश सेल्सिअसवर जाण्याची शक्यता आहे. सकाळी दाट धुक्यासह पडलेल्या थंडिचा गारवा दिवसभर टिकून राहिल. दुपारी उन्हाचा चटका वाढला तरी सायंकाळी गारठा वाढण्याची शक्यता आहे.

सोलापूर जिल्ह्यात काल मंगळवारी कमाल तापमान 31.4 अंश सेल्सिअसवर तर किमान तापमान 13.9 अंशावर राहिले. आज कमाल तापमानाचा पारा 33 अंशावर राहिल. तसेच किमान तापमानाचा पारा 15 अंशापर्यंत राहिल.

सांगली जिल्ह्यात मागील 24 तासात 12.3 अंश सेल्सिअस किमान तापमानाची नोंद झाली. आज जिल्ह्यात कमाल तापमान 30 अंशावर राहिल. तसेच किमान तापमान 14 अंशावर राहिल. सांगलीत पहाटे थंडीचा कडाका आणि दुपारी उन्हाचा चटका अशी स्थिती राहील.

पश्चिम महाराष्ट्रातील काही जिल्ह्यांत किमान तापमानात चढ-उतार होत आहे. मात्र थंडीचा कडाका कायम राहण्याची शक्यता हवामान विभागाने वर्तविली आहे. किमान तापमानाचा पारा 10 अंशाच्या खाली घसरताच, थंडीचा कडाका वाढला आहे. तर कमाल तापमानातही हळूहळू घट होत असली तरी तुरळक ठिकाणी पारा अद्यापही तिशीपार आहे.