Pune Weather : विजा कडाडणार, पाऊस कोसळणार, पश्चिम महाराष्ट्राला 24 तासांसाठी हवामान विभागाचा अलर्ट

ऑक्टोबर हीटमध्ये तापणाऱ्या महाराष्ट्रात पुन्हा पावसाने हजेरी लावली आहे. ढगाळ हवामानामुळे उकाडा वाढून पावसाला पोषक हवामान होत आहे. आज दिनांक 22 ऑक्टोबर रोजी राज्यात काही ठिकाणी विजांसह पावसाची शक्यता असल्याने दक्षतेचा इशारा आहे. उन्हाचा चटका कायम राहण्याची शक्यता हवामान विभागाने वर्तवली आहे. पाहुयात पुढील 24 तासात पश्चिम महाराष्ट्रात हवामानाची स्थिती कशी राहील.

पुणे जिल्ह्यात मंगळवारी 33 अंश सेल्सिअस कमाल तापमानाची नोंद झाली. आज पुणे जिल्ह्यात ढगाळ हवामान आणि एक-दोन वेळा गडगडाटी पावसाची शक्यता आहे. यावेळी कमाल तापमानाचा पारा 31 अंशावर राहील. कमाल तापमानात अंशत: वाढ होऊन विजांसह पावसाची शक्यता आहे.

मागील 24 तासात सातारा जिल्ह्यातील कमाल तापमान 32 अंश सेल्सिअस इतके राहिले. आज संपूर्ण साताऱ्याच्या घाटमाथ्यावर विजांसह पावसाची शक्यता असल्याने दक्षतेचा यलो अलर्ट भारतीय हवामान विभागाकडून वर्तवण्यात आला आहे. यावेळी कमाल तापमानाचा पारा 33 अंशावर राहील.

कोल्हापूर जिल्ह्यात काल मंगळवार 32.1 अंश सेल्सिअस तापमानाची नोंद झाली. पुढील 24 तासात कोल्हापूरसह घाटमाथ्यावर विजांसह पावसाची शक्यता असल्याने दक्षतेचा यलो अलर्ट आयएमडीकडून देण्यात आला आहे. यावेळी कमाल तापमान 32 अंश सेल्सिअस इतके राहील.

मंगळवारी सोलापूर जिल्ह्यात 33.2 अंश सेल्सिअस कमाल तापमानाची नोंद झाली. यावेळी कमाल तापमान 35 अंशावर राहील. आज जिल्ह्यात ढगांच्या गडगडाटासह हलक्या पावसाची शक्यता वर्तवण्यात आली आहे. यावेळी पारा 35 अंशावर राहण्याचा अंदाज हवामान विभागाकडून वर्तवण्यात आला आहे.

सांगली जिल्ह्यात मागील 24 तासात 32.2 अंश सेल्सिअस तापमानाची नोंद झाली. आज जिल्ह्यात विजांसह पावसाची शक्यता असल्याने दक्षतेचा यलो अलर्ट हवामान विभागाकडून वर्तवण्यात आला आहे. यावेळी पारा 31 अंशावर राहण्याचा अंदाज आहे. आज संपूर्ण पश्चिम महाराष्ट्रात विजांसह पावसाची शक्यता वर्तवण्यात आली आहे.

तसेच उर्वरित राज्यात तुरळक ठिकाणी विजांसह पावसाचा अंदाज वर्तवण्यात आला आहे. कमाल तापमान 32 अंशापार राहत असून पश्चिम महाराष्ट्रात विजांसह पावसाला पोषक हवामान असले तरीही तापमानात वाढ कायम आहे.