Weather Alert: उत्तरेकडून येणार संकट, पश्चिम महाराष्ट्रातील हवामानात मोठ्या बदलाचे संकेत, पाहा अपडेट

आजचं हवामान अपडेट जाणून घेऊ. " width="1500" height="1000" /> राज्यात नोव्हेंबर अखेर हवामानात पुन्हा मोठे बदल जाणवत आहेत. शनिवारी कोकणातील रत्नागिरी येथे सर्वाधिक 33.5 अंश सेल्सिअस कमाल तापमानाची नोंद झाली. 'डिटवाह' चक्रीवादळाच्या प्रभावामुळे राज्यात ढगाळ हवामान झाले आहे. आज 30 नोव्हेंबर रोजी विदर्भात तुरळक ठिकाणी हलक्या पावसाची शक्यता हवामान विभागाने वर्तविली आहे. पश्चिम महाराष्ट्रातील आजचं हवामान अपडेट जाणून घेऊ.

पुणे जिल्ह्यात शनिवारी कमाल तापमान 28 अंश तर किमान 14.4 अंश नोंदवले गेले. आज कमाल तापमान 1 अंशाने वाढणार असून किमान तापमानात पुन्हा घट होणार आहे. त्यामुळे हुडहुडी वाढणार आहे. 24 तासानंतर अंशतः ढगाळ हवामानाची शक्यता असल्याने थंडीचा कडाका कमी होण्याचा अंदाज आहे.

साताऱ्याचा पारा 15 अंशांच्या जवळपास आहे. शनिवारी कमाल 29.2 आणि किमान 15.2 अंश सेल्सिअस तापमानाची नोंद झाली. आज सातारा जिल्ह्यात किमान आणि कमाल तापमान 15 ते 30 अंश सेल्सिअस दरम्यान राहील. तसेच जिल्ह्यात अंशतः ढगाळ आकाशाची शक्यता हवामान विभागाकडून वर्तवण्यात आली आहे.

कोल्हापूर जिल्ह्यातील हवेत नोव्हेंबर अखेर गारवा वाढला आहे. आज किमान तापमानात 16.2 अंश सेल्सिअस तर कमाल तापमान 29.1 अंशांवर राहील. दुपारनंतर अंशतः ढगाळ वातावरण होवून गारठा कमी राहण्याची शक्यता आहे.

शनिवारी सोलापूर जिल्ह्यातील कमाल तापमान 30.6 अंश आणि किमान तापमान 15.4 अंश सेल्सिअस नोंदविण्यात आले. आज कमाल तापमानाचा पारा 31 अंशावर राहील. तसेच किमान तापमानाचा पारा 17 अंशापर्यंत राहील.

सांगली जिल्ह्यात मागील 24 तासात 15.8 अंश सेल्सिअस किमान तापमानाची नोंद झाली. आज जिल्ह्यात कमाल तापमान 29 अंशावर राहील. तसेच किमान तापमान 15 अंशावर राहण्याचा अंदाज असून दुपारनंतर हवामान ढगाळ राहील. 

दरम्यान, 'डिटवाह' चक्रीवादळाच्या प्रभावामुळे राज्यासह पश्चिम महाराष्ट्रात हवामानात बदल जाणवत आहेत. आता ढगाळ हवामान होत असतानाच, अचानकपणे गारठा वाढला आहे. उत्तरेकडील थंड वारे आल्याने किमान तापमानाचा पारा पुन्हा 10 अंशाखाली घसरला आहे. आज राज्यात आकाश ढगाळ होऊन, विदर्भात तुरळक ठिकाणी हलक्या पावसाची शक्यता हवामान विभागाने वर्तविली आहे.