Weather Update : आज या जिल्ह्यांमध्ये अतिमुसळधार पावसासोबत आणखी एक संकट, IMD कडून हायअलर्ट

मुंबई शहर आणि उपनगरात मेघगर्जनेसह मध्यम ते जोरदार पाऊस होईल, तसंच सामान्यतः ढगाळ आकाश राहील.इथे कमाल आणि किमान तापमान 30°C आणि 26°C च्या आसपास राहील.

मराठवाड्यातील जिल्ह्यांमध्ये अनेक ठिकाणी मध्यम स्वरूपाचा पाऊस किंवा मेघगर्जनेसह पाऊस पडण्याची शक्यता आहे. तर, कोकण-गोव्यातील जिल्ह्यांमध्ये बहुतांश ठिकाणी मुसळधार पावसाचा अंदाज आहे.

या जिल्ह्यांमध्ये पावसासह आणखी एका संकटाचा इशारा देण्यात आला आहे. कोकण- गोव्यात पावसासोबतच विजांच्या कडकडाटाचाही सामना नागरिकांना करावा लागू शकतो.

मध्य महाराष्ट्रातील जिल्ह्यांमध्ये बहुतांश ठिकाणी मध्यम ते जोरदार पाऊस किंवा मेघगर्जनेसह पाऊस पडण्याची शक्यता आहे.

सिंधुदूर्ग जिल्ह्यात पावसाचा ऑरेंज अलर्ट देण्यात आला असून मुसळधार ते अतिमुसळधार पावसाचा अंदाज वर्तवण्यात आला आहे. पुण्यातही आज मुसळधार पावसाचा इशारा देण्यात आला आहे

पुणे, सातारा, कोल्हापूर या जिल्ह्यांमध्ये जोरदार ते अतिजोरदार पावसाची शक्यता वर्तविण्यात आली असून याठिकाणी ऑरेंज अलर्ट देण्यात आलाय. पुण्यात ढगाळ वातावरण राहणार इथलं तापमान 30°C कमाल आणि 21°C किमान असेल.

विदर्भाला हवामान खात्यानं यलो अलर्ट जारी केला आहे. इथल्या बहुतांश पुढचे 5 दिवस पावसाची शक्यता आहे. ढगांचा गडगडाट आणि विजांच्या कडकडाटासह पावसाची दाट शक्यता हवामानशास्त्र विभागानं वर्तविली आहे.