Pune Weather : पश्चिम महाराष्ट्रातील हवामान मोठे बदल, आज दुहेरी संकट, हवामान खात्याने दिला अलर्ट

कोरडे हवामान, निरभ्र आकाश आणि उत्तरेकडील थंड हवा महाराष्ट्राकडे आल्याने राज्याच्या किमान तापमनात घट होत आहे. राज्यात अनेक ठिकाणी पारा 10 अंशांच्या खाली घसरल्याने गारठा वाढला आहे. आज दिनांक 10 नोव्हेंबर रोजी राज्यात मुख्यतः कोरड्या हवामानासह किमान तापमनातील घसरण कायम राहण्याची शक्यता आहे. पश्चिम महाराष्ट्रात हवामानाची स्थिती कशी राहील पाहुयात.

पुणे जिल्ह्यात रविवारी 30.7 कमाल आणि 14.3 अंश सेल्सिअस किमान तापमानाचा पारा नोंदविण्यात आला. आज पुणे जिल्ह्यातील कमाल तापमान 31 अंशावर तर किमान तापमान 14 अंशावर राहिल. यावेळी निरभ्र आकाश राहण्याची शक्यता हवामान विभागाकडून वर्तवण्यात आली आहे.

साताऱ्यात गारठा वाढत असून, धुक्यासह दव पडत आहे. रविवारी साताऱ्यातील कमाल तापमानाचा पारा 30.5 अंशावर राहिला. तर 14.5 अंश सेल्सिअस किमान तापमान राहिले. आज सातारा जिल्ह्यात किमान आणि कमाल तापमान 14 ते कमाल 30 अंश सेल्सिअस दरम्यान राहिल.

कोल्हापूरकरांच्या दिवसाची सुरुवात साधारण 18 अंश सेल्सिअसच्या किमान तापमानाने होईल. जसजसा दिवस पुढे जाईल तसतसे कमाल तापमान 30 अंश सेल्सिअसवर जाण्याची शक्यता आहे. कोरडे हवामान, स्वच्छ आकाश असल्याने पहाटेच्या वेळी किमान तापमानात घट होऊ लागली आहे.

सोलापूर जिल्ह्यात कमाल तापमानात अंशत चढ-उतार होत आहेत. रविवारी 31.8 अंश सेल्सिअस कमाल तापमानाची नोंद झाली. आज कमाल तापमानात अंशत वाढ होऊन पारा 32 अंशावर राहिल. मात्र किमान तापमानाचा पारा 15 अंशापर्यंत घसरता राहिल.

सांगली जिल्ह्यात मागील 24 तासात 30.8 अंश सेल्सिअस कमाल तापमानाची नोंद झाली. आज जिल्ह्यात दिवसभर निरभ्र आकाशासह कमाल तापमान 32 अंशावर राहिल. तसेच किमान तापमान 16 अंशावर राहिल.

राज्यात दुपारच्या वेळी उन्हाचा चटका चांगलाच जाणवत असला तरी सावली असलेल्या ठिकाणी गारठा अनुभवायला मिळत आहे. पहाटे थंडी, दुपारी कडक ऊन आणि रात्री परत गारठा जाणवत असल्याने नागरिकांनी आरोग्याची काळजी घ्यावी.