Western Maharashtra Weather: पुढील 24 तास पश्चिम महाराष्ट्रात जोरदार पावसाचे, 2 जिल्ह्यांना हवामान विभागाचा ऑरेंज अलर्ट

राज्यातील बहुतांश परिसरात पावसाचा जोर कायम आहे. पश्चिम महाराष्ट्रातील घाटमाथ्यावर मुसळधार पाऊस कोसळतो आहे. आज दिनांक 29 जून रोजी कोकण आणि घाटमाथ्यावर जोरदार पावसाची शक्यता कायम आहे.

पश्चिम महाराष्ट्रातील सर्वच जिल्ह्यांत हलका पाऊस हजेरी लावतो आहे. पुणे, सातारा आणि कोल्हापूर घाटमाथ्यावर मात्र जोरदार पावसाची शक्यता कायम असून सतर्कतेचा इशारा हवामान विभागाकडून देण्यात आला आहे.

मागील 24 तासात पुणे जिल्ह्यातील शिवाजीनगर परिसरात 1 मिलीमीटर पाऊस नोंदविण्यात आला. पुढील 24 तासात हलक्या पावसाची शक्यता हवामान विभागाने वर्तवली आहे. तसेच कमाल तापमान 30 अंशावर पोहचण्याचा अंदाज आहे. पुणे घाटमाथ्यावर जोरदार पावसाची शक्यता असल्याने दक्षतेचा ऑरेंज अलर्ट हवामान विभागाने दिला आहे.

मागील 24 तासात कोल्हापूर परिसरात 11 मिलीमीटर पावसाची नोंद झाली. पुढील 24 तासात कोल्हापूर घाटमाथ्यावर जोरदार पावसाचा यलो अलर्ट कायम आहे. तसेच उर्वरित जिल्ह्यात ढगाळ आकाशासह मध्यम पावसाची शक्यता आहे. यावेळी कमाल तापमान 25 अंश सेल्सिअस राहिल.

मागील 24 तासांमध्ये सातारा शहरात 7 मिलीमीटर पाऊस नोंदविण्यात आला. कमाल तापमान 27.7 अंश सेल्सिअस राहिले. पुढील 24 तासात कमाल तापमान 28 अंशावर राहील. ढगाळ आकाशासह हलक्या पावसाचा अंदाज भारतीय हवामान विभागाने दिला आहे. सातारा जिल्ह्याच्या घाटमाथ्यावर जोरदार पावसाची शक्यता असल्याने सतर्कतेचा ऑरेंज अलर्ट हवामान विभागाकडून वर्तवण्यात आला आहे.

पावसाच्या प्रतीक्षेत असलेल्या सोलापूर जिल्ह्यातील कमाल तापमानाचा पारा वाढला आहे. मागील 24 तासांत कमाल तापमान 34 अंशावर राहिले. मागील 24 तासात पावसाची पूर्णपणेच उघडीप राहिली. पुढील 24 तासात हलक्या पावसाची शक्यता आहे. यावेळी पारा 32 अंशांवर राहिल

मागील 24 तासात सांगली जिल्ह्यात 3 मिलिमीटर पावसाची नोंद झाली. मागील दोन दिवसांच्या विश्रांतीनंतर मध्यरात्रीपासून पावसाने पुन्हा सुरुवात केली आहे. पुढील 24 तासात सांगली जिल्ह्यात ढगाळ आकाशासह हलक्या पावसाचा अंदाज आहे. यावेळी जिल्ह्यातील कमाल तापमान 29 तर किमान तापमान 23 अंश सेल्सिअस इतके राहील. पावसाची उघडीप असलेल्या भागात कमाल तापमानातील वाढ कायम आहे. शनिवारी सकाळपर्यंतच्या 24 तासांमध्ये जेऊर येथे राज्यातील उच्चांकी 33.5 अंकी तापमानाची नोंद झाली. कोकण, घाटमाथ्यासह विदर्भात पावसाच्या सरीमागून सरी येत असल्या तरी उर्वरित राज्यात पावसाची प्रतीक्षा आहे.घाटमाथ्यावर पावसाचा जोर अधिक आहे.