गुड न्यूज! आता स्वस्त होणार CNG, अर्थमंत्र्यांनी हटवली बायोगॅसवरील एक्साइज ड्यूटी
- Published by:Mohini Vaishnav
Last Updated:
Budget 2026 मध्ये निर्मला सीतारामण यांनी Biogas Blended CNG वर एक्साइज ड्यूटीच्या सूटची घोषणा केली आहे. ज्यामुळे सीएनची स्वस्त होऊ शकते. शेतकऱ्यांचं उत्पन्न वाढले आणि क्लीन एनर्जीला प्रोत्साहन मिळेल.
Budget 2026: केंद्रीय अर्थमंत्री निर्मला सीतारमण यांनी आज संसदेत आर्थिक वर्ष 2026-27 चं बजेट सादर करत सर्वसामान्यांनासाठी मोठा दिलासादायक घोषणा केली आहे. बजेटमध्ये बायोगॅसने मिश्रित सीएनजी (Biogas Blended CNG) वर केंद्रीय उत्पादन शुल्क (Excise duty) च्या गणनेत बायोगॅसच्या पूर्ण मूल्याला बाहेर ठेवण्याचा प्रत्साव ठेवला आहे. यामुळे बायो-मिक्स सीएनजी स्वस्त होऊ शकते.
अर्थमंत्र्यांनी त्यांच्या अर्थसंकल्पीय भाषणात स्पष्टपणे सांगितले की, "बायोगॅस मिश्रित सीएनजीवरील केंद्रीय उत्पादन शुल्क मोजताना बायोगॅसचे संपूर्ण मूल्य वगळले जाईल." पूर्वी, या मिश्रित इंधनाच्या मोजणीत बायोगॅसचे मूल्य समाविष्ट केले जात होते, ज्यामुळे कराचा भार वाढला. या बदलामुळे आता बायोगॅसचा भाग एक्साइज ड्यूटीतून पूर्णपणे मुक्त होईल.
स्वस्त होईल सीएनजी
advertisement
स्वच्छ ऊर्जा, पर्यावरण संरक्षण आणि ऊर्जा सुरक्षेला प्रोत्साहन देण्याच्या उद्दिष्टांशी संबंधित हा सरकारी उपक्रम आहे. याचा थेट फायदा सीएनजीवर अवलंबून असलेल्या वाहनांच्या मालकांना, विशेषतः ऑटो-रिक्षा, टॅक्सी, व्यावसायिक ट्रक आणि कारना होईल.
तज्ञांचा अंदाज आहे की, सीएनजीची किंमत प्रति किलोग्रॅम काही रुपयांनी (सुमारे 2-3 रुपये) कमी होऊ शकते. कारण नियमित सीएनजीवरील एक्साइज ड्यूटी सुमारे 14% किंवा 14-15 रुपये प्रति किलो आहे. बायोगॅस मिश्रणात बायोगॅसचे प्रमाण जितके जास्त असेल तितका टॅक्स कमी असेल.
advertisement
शेतकऱ्यांना फायदा
हा निर्णय शेतकऱ्यांसाठी वरदान ठरु शकतो. बायोगॅस प्लांट्सने शेतकरी आपल्या शेतातील कचरा, पेंढा आणि इतर टाकाऊ पदार्थांपासून अतिरिक्त उत्पन्न मिळवू शकाल. यामुळे पेंढ्या जाळण्याच्या समस्या कमी होतील. वायू प्रदुषण कमी होईल ग्रामीण अर्थव्यवस्था मजबूत होईल. सोबतच देशातील तेल आयातीवर अवलंबित्व कमी होईल. कारण घरगुती बायोगॅस उत्पादन वाढेल.
advertisement
ऑटो इंडस्ट्रीसाठी गुड न्यूज
ऑटोमोबाईल सेक्टरमध्येही हा बदल सकारात्मक परिणाम टाकेल. अने कंपन्या पहिलेच बायोगॅस-कँपॅटिबल वाहन लॉन्च करत आहेत. कर सवलतीमुळे या वाहनांची मागणी वाढेल आणि सीएनजी स्टेशनवर बायो-मिक्स सीएनजीची उपलब्धता देखील वेगाने वाढू शकते.
advertisement
सरकार म्हणते की, हे पाऊल हरित ऊर्जा संक्रमण वेगाने करेल आणि सस्टेनेबल डेव्हलपमेंट गोल्सच्या दिशेत महत्त्वपूर्ण योगदान देईल. सामान्य ग्राहकांसाठी हा सर्वात व्यावहारिक अर्थसंकल्पीय सवलतींपैकी एक आहे, ज्यामुळे दैनंदिन जीवनात इंधनाचा खर्च कमी होईल.
बायोगॅस म्हणजे काय आणि त्याचे महत्त्व काय?
शेतीचे अवशेष, पिकांचा कचरा, जनावरांचे शेण, नगरपालिकेचा कचरा आणि इतर सेंद्रिय कचऱ्यापासून बायोगॅस तयार केला जातो. तो पारंपारिक सीएनजीमध्ये मिसळून बायो-सीएनजी किंवा सीबीजी (कॉम्प्रेस्ड बायोगॅस) नावाचे कमी कार्बनयुक्त, पर्यावरणपूरक इंधन तयार केले जाते. हे इंधन पारंपारिक सीएनजीपेक्षा स्वच्छ आहे आणि कार्बन उत्सर्जन लक्षणीयरीत्या कमी करते.
Location :
Mumbai,Maharashtra
First Published :
Feb 01, 2026 6:02 PM IST
