Diwali 2023: दिवाळीच्या लक्ष्मीपूजनावेळी या गोष्टी लक्षात ठेवून करा; लक्ष्मीमातेची राहील कृपादृष्टी

Diwali Laxmi pujan 2023: हिंदू धर्मात दिवाळी हा सर्वांत मोठा आणि महत्त्वाचा सण मानला जातो. दिवाळीत लक्ष्मीपूजन केलं जातं. या पूजनामागे विशिष्ट काही हेतू असतो. जीवनात सुख-समृद्धी यावी यासाठी दिवाळीला लक्ष्मीपूजन केलं जातं. या दिवशी घरासोबतच दुकानं आणि कार्यालयांमध्ये लक्ष्मीमातेची विधिवत पूजा केली जाते. दिवाळीच्या दिवशी लक्ष्मीमातेची विधिवत पूजा करण्यासाठी काही गोष्टी आवश्यकता असते. या वस्तूंचा पूजाविधीत समावेश असेल तर लक्ष्मीची कृपादृष्टी लाभते, असं जाणकार सांगतात. या वस्तूंमध्ये प्रामुख्याने कवड्या, दिवा, मंगल कलश आदींचा समावेश असतो.