Hanuman chalisa: मुलांची वारंवार झोपमोड होते, घाबरून उठतात; हनुमान चालिसेतील 7 टिप्स उपयुक्त

Hanuman chalisa Marathi: सध्याचा जमाना वेगाचा आहे, सगळं काही फार लवकर-वेगात बदलत आहे. त्यामुळे आजच्या काळात मुलांची दिनचर्या खूप बदलली आहे. मोबाईल, टीव्ही, ऑनलाइन क्लास, बदलणारे वातावरण आणि एकटेपणा यामुळे अनेकदा त्यांच्या मनावर काही गोष्टींचा परिणाम होतो. लहान मुले अनेकदा विनाकारण घाबरतात, रात्री दचकून जागी होतात, वाईट स्वप्ने पाहतात किंवा झोपायला घाबरतात. पालकांचे अनेक प्रयत्न होऊनही प्रत्येक वेळी औषधे किंवा रागवून यावर उपाय मिळत नाही. यासाठी काही आध्यात्मिक उपाय आजही तितकेच प्रभावी मानले जातात. हिंदू धर्मात हनुमान चालीसा हा अतिशय शक्तिशाली स्तोत्र मानला जातो. हनुमान चालिसा पूजापाठापुरती मर्यादित नसून ती मनाला स्थिर करण्यासाठी आणि भीती घालवण्यासाठीही उपयुक्त आहे. रात्री मुलांना झोपताना हनुमान चालीसा ऐकवल्याने त्यांच्या मनात सुरक्षिततेची भावना निर्माण होते, असे मानले जाते. या विषयावर ज्योतिषी आणि वास्तु सल्लागार पंडित हितेंद्र कुमार शर्मा अधिक माहिती देत आहेत.