Dreams Meaning: स्वप्नात या 4 गोष्टी पाहणं अतिशय वाईट! मृत्युसमान अशुभ घटनांचे संकेत

कधीकधी एखाद्या व्यक्तीला अशी स्वप्ने पडतात, जी खूप भीतीदायक असतात. स्वप्नशास्त्रात अशा अनेक स्वप्नांचा उल्लेख आहे, जी रावणाला त्याच्या मृत्यूपूर्वी पडली होती. त्यांचा सर्वात वाईट स्वप्नांमध्ये समावेश असल्याचे मानले जाते. याविषयी ज्योतिषी आणि वास्तु सल्लागार पंडित हितेंद्र कुमार शर्मा यांच्याकडून जाणून घेऊया.

गाढवावर स्वार झाल्याचे स्वप्न पाहणे - स्वप्न शास्त्रानुसार, स्वप्नात स्वतःला गाढवावर स्वार झाल्याचे पाहणं, हा अशुभ संकेत आहे. विशेषत: आपण दक्षिणेकडे जात असाल तर हे स्वप्न आपल्यासाठी एक वाईट स्वप्न असू शकते. याचा अर्थ आपण आरोग्याबाबत अधिक जागरूक होण्याची गरज आहे. रामचरितमानसानुसार, रावणाला त्याच्या मृत्यूपूर्वी असेच स्वप्न पडले होते.

स्वप्नात लग्न पाहणे - स्वप्नात कोणाचे लग्न झालेले पाहाल तर ते तुमच्यासाठी शुभ मानले जात नाही. याचा अर्थ तुमच्या वैयक्तिक आयुष्यात काही मोठी समस्या येणार आहे, जी तुम्हाला मृत्यूसारखे दुःख देईल. सोप्या भाषेत सांगायचे तर, हे स्वप्न काही मोठ्या आजाराचे संकेत असू शकते.

स्वतःला तेल लावताना पाहणे - जर तुम्ही स्वप्नात स्वतःला तेल लावताना पाहिले तर ते सर्वात वाईट स्वप्नांपैकी एक असल्याचे मानले जाते. स्वप्नशास्त्रानुसार, अशी स्वप्ने सूचित करतात की भविष्यात तुम्हाला आरोग्याशी संबंधित गंभीर आजार होऊ शकतो, त्यामुळे तुम्ही तुमच्या आरोग्याबाबत जागरूक राहणे आवश्यक आहे.

स्वप्नात एक झाड पडताना पाहणे - जर तुम्हाला तुमच्या स्वप्नात एखादे झाड पडताना दिसले तर याचा अर्थ भविष्यात तुम्हाला काही मोठा आजार होऊ शकतो किंवा तुम्ही अपघाताचे बळी देखील होऊ शकता.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)