Tulsi Puja: तुळशीची अशी पूजा करणं व्यर्थ! नियमित जल अर्पण करूनही मिळत नाही फळ

वास्तुशास्त्रानुसार तुळस या पवित्र वनस्पतीभोवती काही वस्तू ठेवू नयेत. तुमच्या घरी तुळशी भोवती या गोष्टी असतील तर तुम्ही त्या काढून घ्यायला हव्या. अन्यथा कुटुंबाला अनेक समस्यांना सामोरं जावं लागू शकतं.

शिवलिंग - तुळशीच्या जवळ भगवान शिव, गणेशाची मूर्ती किंवा शिवपरिवारातील कोणतीही गोष्ट असू नये, असे वास्तुशास्त्रात सांगितले आहे. तुळशीच्या जवळ यापैकी काही आल्यास त्याचा नकारात्म प्रभाव दिसू लागतो. तुळस आणि महादेवाची एकत्रित पूजा होऊ शकत नाही. तुळस शंकराच्या पूजेतही वापरू नये, त्यामुळे भाविकांना अनेक प्रकारचे दुःख सहन करावे लागते.

जमिनीवर तुळस असू नये - हिंदू धर्मात तुळशीच्या झाडाला विशेष महत्त्व आहे. जमिनीवरील तुळशीची पूजा करणं व्यर्थ आहे. तुळस नेहमी चौथरा करून वृंदावन किंवा विशिष्ट भांडे, स्टँडमध्येच असावी. तसेच तळघरात कधीही तुळस लावण्याची चूक करू नका.

तुळशीवर अंधार नको - तुळशीचे रोप मोकळ्या हवेशीर आणि स्वच्छ ठिकाणी लावावे, असे शास्त्रात सांगण्यात आले आहे. या वनस्पतीभोवती कधीही अंधार नसावा. तुळशीच्या रोपाच्या आजूबाजूला अंधार असेल तर ते कुटुंबाची प्रगती खुंटते आणि आपत्तीची परिस्थिती निर्माण होऊ शकते.

गच्चीवर तुळस लावू नये - घराच्या छतावर तुळशीचे रोप कधीही लावू नये. असे केल्याने झाडाची काळजी घेतली जात नाही आणि तुळशीच्या रोपाची सकारात्मक ऊर्जाही संपते, असे मानले जाते. याशिवाय घराच्या छतावर तुळस लावल्यानं तीव्र ऊन, वादळ, पाऊस आणि थंडीमुळे रोप अकाली सुकते. तुळशीचे रोप अकाली सुकणे शुभ मानले जात नाही. (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)