IND vs NZ : संजूला शेवटचा चान्स, बॅट चालली नाही तर बेंचवर बसावं लागणार, वर्ल्डकपसाठी रिप्लेसमेंट ठरली

भारत आणि न्यूझीलंड यांच्यातील शेवटचा आणि पाचवा टी20 सामना 31 जानेवारी 2026 ला तिरूवनन्तपुरमच्या ग्रीनफिल्ड स्टेडिअमवर खेळणार आहे.

हा सामना टीम इंडियाचा ओपनर संजू सॅमसनच्या होम ग्राऊंडवर खेळवण्यात येणार आहे. त्यात या मालिकेत संजूची बॅट तळपली नाही आहे.त्यामुळे पाचव्या टी20 सामन्यात संजूला स्वत:ला सिद्ध करायची शेवटची संधी आहे.

संजू सॅमसन या मालिकेतील चारही सामन्यात अपयशी ठरला होता. कारण 4 सामन्यात त्याने फक्त 40 धावा केल्या आहेत. संजूने पहिल्या सामन्यात 10, दुसऱ्यात 6 आणि तिसऱ्यात शून्य आणि चौथ्या सामन्यात 24 धावा केल्या होत्या.

संजूला टी20 वर्ल्ड कपच्या दृष्टीकोनातून संघात घेतलं आहे.मात्र फलंदाजीत तो फारशी कामगिरी करताना दिसला नाही आहे. आता शेवटचा टी20 सामना संजूच होमग्राऊंवर तिरूवनन्तपुरममध्ये खेळवण्यात येणार आहे.

जर या शेवटच्या सामन्यातही संजूची बॅट चालली नाही तर त्याचा टी20 वर्ल्डकपच्या प्लेइंग इलेव्हनमधून पत्ता कट होण्याची शक्यता आहे. कारण टी20 वर्ल्ड कपच्या आधी ही शेवटची सिरीज आहे.

संजू सॅमसनच्या जागी ईशान किशन त्यांची जागा ओपनिंगला घेण्याची शक्यता आहे. जर ईशानची ओपनिंगला वर्णी लागली तर संजूचा पत्ता कटच समजायचं.

दरम्यान आता पाचव्या टी20 मध्ये संजू स्वत:ला सिद्ध करन वर्ल्डकपच्या प्लेइंग इलेव्हनमध्ये आपली जागा फिक्स करतो का? हे पाहणे महत्वाचे ठरणार आहे.