IND vs NZ : 3 दिवसांनी न्यूझीलंडविरुद्ध पुढची मॅच, विराट-रोहितसह 11 खेळाडू टीम इंडियातून बाहेर!

भारत आणि न्यूझीलंड यांच्यातल्या 5 टी-20 मॅचच्या सीरिजला बुधवार 21 जानेवारीपासून सुरूवात होत आहे. टी-20 वर्ल्ड कपआधी टीम इंडियाची ही शेवटची सीरिज आहे, त्यामुळे या सीरिजकडे वर्ल्ड कपची तयारी म्हणून पाहिलं जात आहे.

न्यूझीलंडविरुद्धच्या टी-20 सीरिजआधी टीम इंडियाला दोन मोठे धक्के बसले. तिलक वर्मा आणि वॉशिंग्टन सुंदर हे दोघेही दुखापतीमुळे या सीरिजमधून बाहेर झाले आहेत. त्यांच्याऐवजी रवी बिष्णोई आणि श्रेयस अय्यर यांची भारतीय टीममध्ये निवड झाली आहे.

न्यूझीलंडविरुद्ध वनडे सीरिज खेळलेल्या तब्बल 11 खेळाडूंना टी-20 सीरिजमधून बाहेरचा रस्ता दाखवण्यात आला आहे. तर फक्त 4 खेळाडूच वनडेनंतर आता टी-20 सीरिजसाठीही टीम इंडियाकडून खेळताना दिसतील.

वनडेमधल्या चौघांनाच संधी : वनडे सीरिज खेळलेल्या श्रेयस अय्यर, हर्षित राणा, कुलदीप यादव आणि अर्शदीप सिंग यांनाच न्यूझीलंडविरुद्धच्या टी-20 सीरिजमध्ये संधी मिळाली आहे.

11 खेळाडू टीमबाहेर : रोहित शर्मा, विराट कोहली आणि रवींद्र जडेजा यांनी आंतरराष्ट्रीय टी-20 मधून निवृत्ती घेतली आहे, त्यामुळे ते न्यूझीलंडविरुद्धच्या टी-20 सीरिजमध्ये खेळणार नाहीत. याशिवाय गिल, यशस्वी जयस्वाल, आयुष बदोनी, केएल राहुल, ध्रुव जुरेल, प्रसिद्ध कृष्णा आणि मोहम्मद सिराज या खेळाडूंची टी-20 सीरिजसाठी निवड झालेली नाही.

भारत-न्यूझीलंड यांच्यातल्या 5 टी-20 मॅच या 21 जानेवारी, 23 जानेवारी, 25 जानेवारी, 28 जानेवारी आणि 31 जानेवारीला होणार आहेत. या 5 टी-20 सामन्यांनंतर टीम इंडिया 7 फेब्रुवारीपासून टी-20 वर्ल्ड कपसाठी मैदानात उतरेल.