IPL 2026 : अजिंक्य रहाणेसोबत ओपन कोण करणार? KKR ने शॉर्टलिस्ट केले 5 खेळाडू! लिलावात तुटून पडणार

केकेआर आयपीएल 2024 मध्ये चॅम्पियन झाली असली तरी पुढच्याच मोसमात त्यांची कामगिरी निराशाजनक झाली. आयपीएल 2025 मध्ये केकेआर पॉईंट्स टेबलमध्ये आठव्या क्रमांकावर राहिली, त्यामुळे केकेआरने आयपीएल 2026 च्या लिलावाआधी टीममध्ये मोठे बदल केले आहेत.

केकेआरने आयपीएल लिलावाआधी 10 खेळाडूंना रिलीज केले आहे, त्यामुळे लिलावात शाहरुखची टीम नव्या चेहऱ्यांच्या शोधात आहे. 2024 च्या आयपीएलमध्ये 400 पेक्षा जास्त रन करणाऱ्या फिल सॉल्टला रिलीज करण्याचा निर्णय चुकीचा होता, हे केकेआरच्या आता लक्षात आलं आहे.

केकेआर लिलावामध्ये ओपनर म्हणून पुन्हा एकदा फिल सॉल्टला लक्ष्य करू शकते. अजिंक्य रहाणेसोबत ओपनर म्हणून विस्फोटक बॅटिंग करणारा फिल सॉल्ट केकेआरसाठी चांगला पर्याय ठरू शकतो.

डेव्हॉन कॉनवे आयपीएल 2025 मध्ये चेन्नई सुपर किंग्ससाठी फक्त 4 सामने खेळला, ज्यात त्याला 94 रन करता आल्या. मर्यादित संधी आणि भारतीय ओपनरवर विश्वास दाखवल्यामुळे सीएसकेने कॉनवेला सोडण्याचा निर्णय घेतला. आता लिलावामध्ये केकेआर ओपनर म्हणून कॉनवेवर बोली लावू शकते.

रहमतुल्ला गुरबाज आणि क्विंटन डिकॉकला रिलीज केल्यानंतर केकेआरला ओपनर आणि विकेटकीपरची गरज आहे. अशा परिस्थितीत टॉम बॅन्टन हा त्यांच्यासाठी पर्याय आहे. बॅन्टनने 193 टी-20 सामन्यांमध्ये 143.74 च्या स्ट्राईक रेटने 4,700 रन केल्या आहेत. तसंच बॅन्टन हा स्पिन बॉलिंगही चांगली खेळतो. बॅन्टनला याआधीही केकेआरकडून खेळण्याचा अनुभव आहे.

रचिन रवींद्रने सीएसकेकडून अनेक मॅच विनिंग खेळी केल्या आहेत. पॉवर प्लेमध्ये आक्रमक बॅटिंगसोबतच रचिन रवींद्र सातत्यही आणू शकतो. तसंच त्याची डावखुरी स्पिन बॉलिंगही केकेआरला आणखी एक पर्याय उपलब्ध करून देईल.

केकेआरकडे पृथ्वी शॉला विकत घेण्याचा पर्यायही आहे. अस्थिर वैयक्तिक आयुष्य आणि दुखापतींमुळे पृथ्वी शॉ आयपीएल लिलावात अनसोल्ड राहिला होता. पण पृथ्वी जर फिट आणि फॉर्ममध्ये असेल तर तो कोणत्याही विरोधी बॅटरवर तुटून पडू शकतो.