ना ऋतुराज ना शुभमन, कोण घेणार T20 World Cup मध्ये तिलक वर्माची जागा? मुंबईच्या स्टार खेळाडूचं नाव चर्चेत!

Published by:Saurabh Talekar

Last Updated:Jan 08, 2026 2:09 PM IST

T20 World Cup 2026 Tilak Varma Replacement : अचानक पोटात दुखू लागल्याने तपासात 'टेस्टिकुलर टॉर्शन' झाल्याचे निष्पन्न झालं. तातडीने करण्यात आलेल्या शस्त्रक्रियेनंतर तिलक आता सावरत असला, तरी त्याला पूर्णपणे फिट होण्यासाठी किमान १ महिन्याचा कालावधी लागण्याची शक्यता आहे.

1/6

टी-20 क्रिकेटमध्ये सलग दोन शतके ठोकणारा स्टार फलंदाज तिलक वर्मा न्यूझीलंडविरुद्धच्या ५ सामन्यांच्या टी-20 मालिकेतून जवळपास बाहेर पडला आहे. राजकोट येथे विजय हजारे ट्रॉफी खेळत असताना त्याला अचानक पोटात तीव्र वेदना जाणवू लागल्या.

2/6

अचानक पोटात दुखू लागल्याने तपासात 'टेस्टिकुलर टॉर्शन' झाल्याचे निष्पन्न झालं. तातडीने करण्यात आलेल्या शस्त्रक्रियेनंतर तिलक आता सावरत असला, तरी त्याला पूर्णपणे फिट होण्यासाठी किमान १ महिन्याचा कालावधी लागण्याची शक्यता आहे.

3/6

यामुळे ७ फेब्रुवारीपासून सुरू होणाऱ्या टी-20 वर्ल्ड कप २०२६ मधील त्याच्या सहभागावरही टांगती तलवार आहे. तिलक वर्मा सध्या जबरदस्त फॉर्ममध्ये असून त्याने ४० टी-20 मॅचमध्ये ११८३ रन्स केले आहेत.

4/6

त्याच्या अनुपस्थितीत टीम इंडियाच्या मधल्या फळीत मोठी पोकळी निर्माण होऊ शकते. जर तो वेळेत फिट झाला नाही, तर त्याच्या जागी वनडे कॅप्टन शुभमन गिल याची टी-20 संघात एन्ट्री होण्याची दाट शक्यता वर्तवली जात आहे.

5/6

पण बीसीसीआय वेगळाच निर्णय घेण्याची शक्यता आहे. बीसीसीय शुभमन किंवा ऋतुराज गायकवाडला नाही तर श्रेयस अय्यरला टीम इंडियामध्ये संधी देऊ शकते. तर न्यूझीलंडविरुद्धच्या सिरीजमध्ये देखील त्याला संधी दिली जाऊ शकते.

6/6

दरम्यान, टीम इंडियाचा उपकर्णधार श्रेयस अय्यर न्यूझीलंडविरुद्धची वनडे मालिका खेळण्यासाठी पूर्णपणे तंदुरुस्त झाला आहे. बुधवारी त्याचे पुनर्वसन पूर्ण झाले आणि त्याला बीसीसीआयच्या सेंटर ऑफ एक्सलन्स मधून डिस्चार्ज देण्यात आला.

ना ऋतुराज ना शुभमन, कोण घेणार T20 World Cup मध्ये तिलक वर्माची जागा? मुंबईच्या स्टार खेळाडूचं नाव चर्चेत!

फोटो

ताज्या बातम्या