Rohit Sharma : ऑस्ट्रेलियात रोहितचा दबदबा, सचिन तेंडुलकरलाही जमल नाही ते करून दाखवलं, रचला इतिहास

ऑस्ट्रेलियाने भारताविरुद्ध अ‍ॅडलेडमध्ये सुरू असलेल्या एकदिवसीय मालिकेतील दुसऱ्या सामन्यात नाणेफेक जिंकून गोलंदाजीचा निर्णय घेतला. कोणताही बदल न करता प्रथम फलंदाजी करण्यासाठी आलेल्या भारतीय संघाची सुरुवात खूपच खराब झाली.

अवघ्या 17 धावांवर त्यांनी दोन महत्त्वाच्या विकेट्स गमावल्या. कर्णधार शुभमन गिल 9 चेंडूत 9 धावा काढून पॅव्हेलियनमध्ये परतला. त्यानंतर विराट कोहली खाते न उघडता चार चेंडूत एलबीडब्ल्यू झाला. या सामन्यात रोहित शर्मा एका टोकावर ठाम आहे. 2 धावा करून त्याने ऑस्ट्रेलियाविरुद्ध एक मोठा विक्रम केला आहे.

रोहित शर्माने ऑस्ट्रेलियाविरुद्धच्या दुसऱ्या एकदिवसीय सामन्यात इतिहास रचला. ऑस्ट्रेलियाविरुद्धच्या ऑस्ट्रेलियाच्या भूमीवर त्याने 21 व्या एकदिवसीय सामन्यात 1000+ धावा केल्या आहेत. या धावा करून त्याने सचिन तेंडुलकरलाही मागे सोडले आहे.

या सामन्यापूर्वी त्याने ऑस्ट्रेलियाविरुद्ध ऑस्ट्रेलियात चार शतके आणि दोन अर्धशतके झळकावली होती. तो आता ऑस्ट्रेलियात भारताकडून सर्वाधिक धावा करणारा फलंदाज बनला आहे. अॅडलेडमध्ये त्याने फक्त दोन धावा करत हा विक्रम केला.

ऑस्ट्रेलियाविरुद्ध ऑस्ट्रेलियात सर्वाधिक धावा करण्याचा विश्वविक्रम वेस्ट इंडिजचा माजी कर्णधार व्हिव्ह रिचर्ड्सच्या नावावर आहे. रिचर्ड्सने ऑस्ट्रेलियात ऑस्ट्रेलियाविरुद्ध 40 सामन्यांमध्ये 1905 धावा केल्या.

जर रोहित शर्मा त्याच्याइतकेच सामने खेळू शकला तर तो हा विक्रम मोडू शकेल. परंतु टी-20 आणि कसोटी क्रिकेटमधून निवृत्त झालेला 38 वर्षीय खेळाडू किती काळ खेळू शकतो हे पाहणे बाकी आहे.

ऑस्ट्रेलियात ऑस्ट्रेलियाविरुद्ध वनडे क्रिकेट खेळताना सर्वाधिक धावा करणारे भारतीय फलंदाज: रोहित शर्मा - 1000* धावा, विराट कोहली - 802 धावा, सचिन तेंडुलकर - 740 धावा , एमएस धोनी- 684 धावा, शिखर धवन - 517 धावा