Mumbai Local: मध्य रेल्वेचा एक निर्णय अन् लोकल सुसाट सुटणार, मुंबईकरांचा वेळ वाचणार!

कर्जत यार्ड आधुनिकीकरणात आणखी एक महत्त्वाचा भाग हा कर्जत आणि पलसदरी दरम्यान चौथी मार्गिका सुरू करण्यात आली आहे. या नव्या लाईनमुळे प्रवासी आणि मालगाड्यांची वाहतूक पूर्णपणे वेगळी केली जाईल. आधी मालगाड्या आणि प्रवासी गाड्या एकाच मार्गावरून धावत होत्या. त्यामुळे त्यांना सिग्नलवर थांबावे लागत होते. गाड्यांची गर्दी झाल्याने काही वेळा वाहतूक मंदावत होती. आता मालगाड्यांची वाहतूक वेगळी करण्यात येईल. त्यामुळे प्रवासी गाड्यांचा प्रवास वेळेवर होईल.