'हॉटेलमध्ये लपून जीव वाचवला', सिडनी गोळीबारात इंग्लंडचा दिग्गज क्रिकेटर बचावला, 12 जणांचा मृत्यू

ऑस्ट्रेलियाच्या बॉन्डी बीचवर रविवारी दुपारी दोन जणांनी अंधाधुंद गोळीबार केला. ज्यू नागरिक बीचवर हनुक्का हा त्यांचा सण साजरा करत होते, तेव्हा दोघांनी हल्ला केला. या हल्ल्यामध्ये 12 जणांचा मृत्यू झाला आहे, तर अनेक जण जखमी झाले आहेत. या हल्ल्यात एक हल्लोखरही ठार झाला आहे.

पोलिसांनी परिस्थिती नियंत्रणात आणण्यासाठी दोन्ही हल्लेखोरांवर गोळीबार केला. पोलीस अधिकाऱ्यांनी दिलेल्या माहितीनुसार एका हल्लेखोराचा जागीच मृत्यू झाला, तर दुसऱ्याची प्रकृती गंभीर आहे.

पोलिसांनी परिस्थिती नियंत्रणात आणण्यासाठी दोन्ही हल्लेखोरांवर गोळीबार केला. पोलीस अधिकाऱ्यांनी दिलेल्या माहितीनुसार एका हल्लेखोराचा जागीच मृत्यू झाला, तर दुसऱ्याची प्रकृती गंभीर आहे.

दोन हल्लेखोरांपैकी एकाची ओळख पटली असून त्याचं नाव नावीद अक्रम आहे. नावीद अक्रमचं वय 24 वर्ष असल्याची माहिती समोर येत आहे. हा हल्ला का करण्यात आला? याचा शोध पोलीस घेत आहेत.

ऑस्ट्रेलियामध्ये सध्या ऍशेस सीरिजही सुरू आहे, त्यामुळे इंग्लंडचे क्रिकेटपटू ऑस्ट्रेलियात आहेत. या हल्ल्यामध्ये इंग्लंडचा माजी क्रिकेटपटू मायकल वॉन थोडक्यात बचावला आहे. मायकल वॉन सध्या ऑस्ट्रेलियामध्ये ऍशेस सीरिजची कॉमेंट्री करण्यासाठी गेला आहे.

मायकल वॉनने हॉटेलमध्ये लपून स्वत:चा जीव वाचवला, याबद्दल त्याने सोशल मीडियावर पोस्ट केली आहे. बॉन्डीमध्ये एका रेस्टॉरंटच्या आतमध्ये लपून राहणं, खूपच भीतीदायक अनुभव होता. मी सुरक्षित घरी पोहोचलो आहे. दहशतवाद्यांचा सामना करणाऱ्या इमरजन्सी स्टाफचे खूप आभार. या हल्ल्यात मृत्यू झालेल्यांना श्रद्धांजली, अशी पोस्ट मायकल वॉनने केली आहे.

गोळीबाराच्या या घटनेचा व्हिडिओ सोशल मीडियावर व्हायरल झाला आहे. या व्हिडिओमध्ये नॉर्थ बॉन्डी बीचवर अनेक मृतदेह दिसत आहेत. ऑस्ट्रेलियाचे पंतप्रधान एंथनी अल्बनीज यांनी ही घटना धक्कादायक असून दु:ख व्यक्त केलं आहे.

या हल्ल्यामध्ये इज्रायल-ऑस्ट्रेलिया यहुदी परिषदेचे अध्यक्ष आर्सेन ओस्ट्रोव्स्कीही जखमी झाले आहेत. ओस्ट्रोव्स्की यांच्या डोक्याला दुखापत झाली आहे, पण आपली प्रकृती व्यवस्थित असल्याची प्रतिक्रिया ओस्ट्रोव्स्की यांनी दिली आहे.