मोठी बातमी! नितीन नबीन यांची भाजपच्या कार्यकारी अध्यक्षपदी निवड
- Published by:Prachi Amale
Last Updated:
भाजपला नवे नेतृत्व मिळाले असून बिहार सरकारमध्ये मंत्री म्हणून काम पाहणारे नितीन नबीन यांची राष्ट्रीय कार्यकारी अध्यक्ष म्हणून नियुक्ती करण्यात आली आहे.
नवी दिल्ली : भाजपच्या राष्ट्रीय अध्यक्षपदाची निवड गेल्या अनेक महिन्यांपासून लांबणीवर पडत असल्याचं चित्र आहे. अध्यक्षपदासाठी अनेक नावांची चर्चा होत असताना पक्षसंघटनेतील काही तांत्रिक बाबींमुळे ही निवड लांबणीवर पडत असल्याचं दिसत आहे. मात्र राष्ट्रीय अध्यक्षपदाच्या निवडीतील हा अडथळा आता दूर झाला असून भाजपला नवे नेतृत्व मिळाले असून बिहार सरकाराचे मंत्री नितीन नबीन यांची राष्ट्रीय कार्यकारी अध्यक्ष म्हणून नियुक्ती करण्यात आली आहे. ही नियुक्ती 14 डिसेंबर 2025 रोजी करण्यात आली असून, ती तात्काळ लागू झाली आहे.
भाजपच्या संसदीय मंडळाच्या निर्णयानुसार ही जबाबदारी नितीन नबीन यांच्याकडे सोपवण्यात आली आहे. संघटनात्मक कामाचा मोठा अनुभव, पक्षातील दीर्घकाळची वाटचाल आणि प्रशासनावरील मजबूत पकड या बाबी लक्षात घेऊन पक्ष नेतृत्वाने त्यांची निवड केली आहे. नितीन नबीन हे बिहार विधानसभेतील बांकीपूर मतदारसंघाचे आमदार आहेत. विद्यार्थी राजकारणापासून आपल्या राजकीय कारकिर्दीची सुरुवात केली असून, भाजपमध्ये विविध संघटनात्मक पदांवर काम केले आहे. सध्या ते बिहार सरकारमध्ये मंत्री म्हणूनही जबाबदारी सांभाळत आहेत.
advertisement
Bihar Minister Nitin Nabin appointed as the National Working President of the Bharatiya Janata Party pic.twitter.com/zvo7aUNvX9
— ANI (@ANI) December 14, 2025
जातीय समीकरण साधले
भाजप संघटनेत ही नियुक्ती महत्त्वाची मानली जात असून, आगामी राजकीय रणनीती आणि संघटनात्मक मजबुतीकरणाच्या दृष्टीने नितीन नबीन यांची भूमिका निर्णायक ठरण्याची शक्यता आहे. भाजप कार्यकारी अध्यक्षपदासाठी गेल्या काही दिवसात अनेक नावांची चर्चा सुरू होती. अखेर आज झालेल्या या नियुक्तीमुळे सर्व चर्चांना पूर्णविराम मिळाला आहे. नितीन नबीन यांच्या नियुक्तीमुळे भाजपने जातीय समीकरणे संतुलित करण्याचा प्रयत्न केल्याची चर्चा आहे.
advertisement
उत्तरप्रदेश निवडणुकीत महत्त्वाची भूमिका बजावू शकतात
नवे भाजप अध्यक्ष कायस्थ समाजाचे आहेत. या समुदायातील अनेक नेत्यांना भाजपमध्ये उच्च पदांवर आणण्याची चर्चा बऱ्याच काळापासून सुरू आहे. शिवाय, आगामी पश्चिम बंगाल आणि 2027 च्या उत्तर प्रदेश विधानसभा निवडणुकीत नितीन नबीन महत्त्वाची भूमिका बजावू शकतात.
सलग पाचव्यांदा निवड
नितीन नबीन यांचे बिहारमध्येही वर्चस्व आहे. बिहारमध्ये भाजपला मोठ्या संख्येने जागा जिंकण्यास मदत करण्यात त्यांनी महत्त्वाची भूमिका बजावली आहे. यावेळी त्यांनी सलग पाचव्यांदा बिहार विधानसभा निवडणूक जिंकली. ते पुन्हा एकदा मंत्री झाले आहेत. ते सध्या बंकीपूर विधानसभा मतदारसंघाचे प्रतिनिधित्व करतात.
Location :
Delhi
First Published :
Dec 14, 2025 5:29 PM IST
