सेंचुरीपूर्वीच सेलिब्रेशन, विराटच्या जवळच्या व्यक्तीनेच केली भविष्यवाणी, नेमकं काय केलं पोस्ट?

भारत विरुद्ध साऊथ आफ्रिका सामना सध्या चांगलाच रंगला आहे. साउथ आफ्रिकेने टॉस जिंकत आधी गोलंदाजी करण्याचा निर्णय घेतला. आणि टीम इंडियाला फलंदाजी करण्यास आमंत्रित केले. रांची इथे सुरु असलेल्या या सामन्यात भारताने उत्तम कामगिरी केली.

भारताने 349 धावांच लक्ष देत साऊथ आफ्रिकेसमोर धावांचा डोंगर उभा केला आहे. आणि आता बॉलिंग आणि फिल्डिंगमध्ये देखील भारत उत्तम कामगिरी करत असल्याचं दिसून येत आहे.

साऊथ आफ्रिकेने 3 ओव्हरमधेच 2 विकेट गमावल्या असून हा सामना रोमांचक होणार यात काही शंका नाही. असं असताना भारताच्या स्टार प्लेयरने देखील सर्वांची मन जिंकली आहेत. विराट कोहलीने तब्बल 102 चेंडूत त्याची साऊथ आफ्रिकेविरुद्ध सहावी सेंचुरी पूर्ण केली आहे.

या सर्वांदरम्यान एक आणखी गोष्ट हायलाइट झाली ती म्हणजे विराटच्या बहिणीची इंस्टाग्राम स्टोरी. विराट कोहलीची सेंचुरी पूर्ण होताच विराटच्या बहिणीने इंस्टाग्राम वर स्टोरी शेअर केली आहे.

विराट कोहलीची बहीण म्हणजेच भावना हिने तिचा इंस्टाग्राम अकाऊंट वर पहिला फोटो विराट आणि रोहितचा ठेवला आहे. ज्यांनी आजच भारतातील तगडी जोडी सचिन तेंडुलकर आणि राहुल द्रविड यांचा रेकॉर्ड ब्रेक करत क्रिकेटमध्ये एकत्र सर्वाधिक सामने खेळणारी भारतीय जोडी ठरली आहे.

तर तिने दुसरा फोटो विराट कोहलीची सेंचुरी पूर्ण होताच अभिनंदन करण्याच्या हेतूने ठेवला आहे. विराटला त्याची बहिणी नेहमीच पाठिंबा देते आणि अशातच आता त्याची सेंचुरी पूर्ण होताच तिने त्याचसाठी खास स्टोरी ठेवली आहे.