कुणाला हवी देशी तर कुणाला इंग्लिश; पण दोन्ही दारूतील नेमका फरक, पिणाऱ्यांनाही माहिती नाही

दारू म्हटली की सामान्यपणे त्याचे दोन प्रकार. एक देशी आणि दुसरी इंग्लिश. कुणाला देशी दारू प्यायला आवडते तर कुणाला इंग्लिश दारू प्यायला आवडते. पण देशी आणि इंग्लिश दारूतील नेमका फरक अनेकांना माहिती नाही. कित्येक पिणाऱ्यांनाही या दोन्ही दारूतील फरक माहिती नसेल.

देशी आणि इंग्लिश दारूतील सामान्य फरक म्हणजे देशी दारू भारतात तयार होते तर इंग्लिश दारू म्हणजे परदेशात तयार होणारी. पण दारू म्हटलं की वेगवेगळे ब्रँड समोर येतात. व्हिस्की, रम, व्होडका असे प्रकार समोर येात. पण देशी दारू ही त्यापेक्षा पूर्णपणे वेगळी आहे.

तुम्हाला हे जाणून आश्चर्य वाटेल की भारतीय आणि इंग्रजी दारू बनवण्यामध्ये कोणताही फरक नाही. दोन्ही बनवण्याची पद्धतजवळपास सारखीच आहे. पण देशी दारू ही पारंपारिकपणे अनेक दशकांपासून सुरू असलेल्या प्रक्रियेद्वारे तयार केली जाते. बहुतेक ठिकाणी ते मोलॅसिस आणि इतर कृषी उत्पादनांपासून बनवली जाते. त्याचं योग्य किण्वन आणि ऊर्धपातन केलं जातं. याशिवाय देशी दारू पॉलिथिन शीट किंवा प्लॅस्टिकच्या बाटल्यांमध्ये पॅक केली जाते. 

देशी दारू शुद्ध किंवा डिस्टिल्ड असते. इंग्रजी दारू उत्पादक कंपन्या देखील स्थानिक दारू उत्पादक कंपन्यांकडून त्यांचं स्पिरिट खरेदी करतात. मात्र, नंतर त्यात वेगवेगळे फ्लेवर टाकून इंग्रजी दारू बनवली जाते. तर देशी दारूमध्ये कोणताही फ्लेवर वापरला जात नाही. म्हणून, ज्यापासून ते बनवले जाते तीच चव आहे. देशी दारूला उग्र वास येण्याचेही हेच कारण आहे. त्याचबरोबर इंग्रजी दारू काचेच्या बाटल्यांमध्ये भरून बाजारात नेली जाते.

संपूर्ण देशात इंग्रजी दारूचे ब्रँड एकाच नावाने विकले जातात. पण देशी दारू देशाच्या वेगवेगळ्या भागात वेगवेगळ्या नावाने ओळखली जाते. उदा., टॉल बॉय नावाची दारू पश्चिम बंगाल आणि झारखंडसारख्या पूर्वेकडील राज्यांमध्ये मोठ्या प्रमाणावर विकली जाते. याशिवाय हीर रांझा, घूमर, जीएम संत्रा आणि जीएम लिंबू पंच या नावांनीही विकला जातो.

(सूचना - हा लेख फक्त माहितीसाठी आहे. दारू पिण्यास प्रोत्साहन देणं हा न्यूज18मराठीचा उद्देश नाही. दारू आरोग्यासाठी वाईटच आहे.)