रुग्णालयात हिंदू-मुस्लिम बाळांची अदलाबदली! साधना आणि शबाना, कोण कुणाची आई, असं ठरणार

कित्येक रुग्णालयं अशी आहेत जिथं एका वेळी अनेक डिलीव्हरी होतात. छत्तीसगडच्या जिल्हा रुग्णालयात डिलीव्हरीसाठी अशाच दोन महिला आल्या, ज्यातील एक हिंदू आणि एक मुस्लिम कुटुंबातील. एक साधना सिंग आणि दुसरी शबाना कुरैशी. (प्रतीकात्मक फोटो)

दुर्गच्या जिल्हा रुग्णालयात 23 जानेवारीला शबाना आणि साधना यांची सिझर डिलीव्हरी झाली. शबानाला रात्री 1.25 मिनिटांनी तर साधनाने रात्री 1.34 मिनिटांनी बाळांना जन्म दिला. दोघींनाही डिस्चार्ज देण्यात आला. (प्रतीकात्मक फोटो)

डिस्चार्जच्या 8 दिवसानंतर म्हणजेच 2 फेब्रुवारीला शबानाच्या कुटुंबाची नजर बाळाच्या हातावर असलेल्या टॅगकडे गेली. ज्यावर साधना सिंग हे नाव लिहिलं गेलं होतं, हे पाहून कुटुंबाला धक्का बसला. (प्रतीकात्मक फोटो)

रुग्णालयाच्या नियमानुसार बाळाची ओळख पटावी म्हणून त्याच्या हातावर टॅग लावला जातो. त्यामुळे टॅगवरील नाव वाचून बाळ अदलाबदली तर झालं नाही ना? अशी शंका शबानाच्या कुटुंबाला आली, त्यानंतर त्यांनी डॉक्टरांना याबाबत माहिती दिली. (प्रतीकात्मक फोटो)

यानंतर जन्मावेळी काढलेले फोटो बघितले गेले, तेव्हा डॉक्टरांच्या पायाखालची जमीनच सरकली. या फोटोत  साधना सिंगच्या बाळाच्या तोंडावर काळी खूण असल्याचं दिसलं. तर शबानाजवळ जो मुलगा आहे त्याचा रंग जास्त गोरा दिसत होता.

हॉस्पिटलमधला फोटो पाहिल्यावर शबाना जवळ जे बाळ आहे ते साधनाचं आणि साधनाजवळ जे बाळ आहे ते शबानाचं असल्याचं दिसून आलं. (प्रतीकात्मक फोटो)

शबानाच्या कुटुंबाने जेव्हा हॉस्पिटल प्रशासनाकडे स्वत:चं बाळ परत मागितलं तेव्हा डॉक्टरांनी साधना सिंग आणि त्यांच्या पतीला बोलावण्यात आलं. या दोघांनाही बाळ अदलाबदली झाल्याचं सांगितलं गेलं. (प्रतीकात्मक फोटो)

पण साधना सिंग यांनी हे मानायला नकार दिला. हे एक षडयंत्र असून माझ्याकडे जे बाळ आहे ते माझंच आहे, ते मी कुणालाही देणार नाही, असं साधना सिंग यांनी सांगितलं. (प्रतीकात्मक फोटो)

रुग्णालय प्रशासनाच्या बेफिकीरीमुळे आता 12 दिवसानंतर दोन्ही बाळांची डीएनए टेस्ट केली जाणार आहे. डीएनए टेस्टमुळे दोन्ही बाळांचे खरे आई-बाप कोण आहेत? हे स्पष्ट होणार आहे. (प्रतीकात्मक फोटो)