Thane Traffic: मोठी बातमी! ठाणे शहरातील मुख्य रस्ते 31 मार्चपर्यंत बंद; पर्यायी मार्ग कोणते?

Published by:Chetan Bodke
local18

Last Updated:Mar 13, 2026 10:31 PM IST

ऐन उन्हाळ्याच्या दिवसांमध्ये ठाणेकरांना ट्रॅफिकचा सामना करावा लागण्याची शक्यता आहे. शहरातील अनेक प्रमुख रस्ते बंद केले जाणार आहेत. कोणकोणते रस्ते बंद केले जाणार आहेत, जाणून घेऊया...

इम्पॅक्ट शॉटतुमचा गेटवे लेटेस्ट न्यूज

+ Follow usOn Google

ठाणे: ठाणेकरांच्या दृष्टीने महत्त्वाची बातमी आहे. मार्च आणि एप्रिल महिन्यामध्ये ठाणेकरांना ट्रॅफिकचा सामना करावा लागण्याची शक्यता आहे. पुलाच्या बांधकामानिमित्त तात्पुरते प्रवेश बंद करून पर्यायी मार्गांचा वापर करावा लागणार आहे. कॅडबरी जंक्शन सर्व्हिस रोड ते नितीन जंक्शन दरम्यान फिवे ब्रिजच्या कामामुळे बॅरेकेटींग करण्यात येणार आहे. त्यामुळे या मार्गावर वाहतूक कोंडी होण्याची शक्यता आहे. नागरिकांनी पर्यायी मार्गांचा वापर करून वाहतूक सूचनांचे पालन करावे, अशी ठाणे पोलिसांनी नागरिकांना विनंती केली आहे.

ठाणे वाहतूक पोलिसांनी वाहतूक नियंत्रण अधिसूचना जारी करून कॅडबरी जंक्शनजवळील पुलाच्या बांधकामाच्या कामाच्या पार्श्वभूमीवर 16 मार्च ते 30 एप्रिल 2026 पर्यंत हे निर्बंध लागू राहतील, असे अधिकाऱ्यांनी सांगितले. ठाणे शहराचे पोलीस उपायुक्त (वाहतूक) पंकज शिरसाट यांनी जारी केलेल्या अधिसूचनेनुसार, कॅडबरी जंक्शन ते नितीन जंक्शनला जोडणाऱ्या सर्व्हिस रोडवर जे कुमार कंपनीकडून सध्या पाच-मार्गी पूल बांधला जात आहे. काम सुलभ करण्यासाठी सर्व्हिस रोडवर बॅरिकेड्स लावण्यात आले आहेत, ज्यामुळे परिसरातील वाहतूक कोंडी समस्या निर्माण होण्याची शक्यता आहे.

वाहतूक सुरळीत व्हावी आणि गर्दी कमी व्हावी यासाठी, वाहतूक पोलिसांनी अनेक सर्व्हिस रोड पॉइंट्सवरील एन्ट्री बंद केले आहे. वाहनचालकांना पर्यायी मार्गांचा पर्याय सुद्धा दिला आहे. धर्मविर कट सर्व्हिस रोड मार्गे तिन हात नाका जंक्शनकडे जाणाऱ्या बसेस आणि जड अवजड मालवाहतूक वाहनांना तसेच इतर सर्व वाहनांना धर्मविर कट सर्व्हिस रोडवर 'प्रवेश बंद' करण्यात येणार आहे. तर सर्व वाहतुकदारांना नाशिक मुंबई हायवे स्लीप रोडने तिन हात नाका जंक्शनवरून पुढे इच्छित स्थळी जातील.

कॅडबरी जंक्शन सर्व्हिस रोड ते नितीन जंक्शन दरम्यान फिवे ब्रिजच्या कामामुळे बॅरेकेटींग करण्यात आले आहे. त्यामुळे या मार्गावर वाहतूक कोंडी होण्याची शक्यता आहे. नागरिकांनी पर्यायी मार्गांचा वापर करून वाहतूक सूचनांचे पालन करावे.#Thane #TrafficAdvisory #ThaneTrafficPolice pic.twitter.com/7Uh8dvldHT

— ठाणे पोलीस.. Thane Police (@ThaneCityPolice) March 13, 2026

वासुदेव बळवंत फडके (भक्ती मंदिर) मार्गावरुन सर्व्हिस रोडवर येणाऱ्या सर्व प्रकारच्या वाहनांना सर्व्हिस रोडवर डावे वळण घ्यायला 'प्रवेश बंद' करण्यात येणार आहे. मोदी हुंडाई कट वरुन सर्व्हिस रोडवर येणाऱ्या सर्व प्रकारच्या वाहनांना सर्व्हिस रोडवर डावे वळण घ्यायला 'प्रवेश बंद' करण्यात येणार आहे. एच.डी.एफ.सी. कट वरुन सर्व्हिस रोडवर येणाऱ्या सर्व प्रकारच्या वाहनांना सर्व्हिस रोडवर डावे वळण घ्यायला 'प्रवेश बंद' करण्यात येणार आहे. या मार्गावरील वाहतुकदारांना उजवे वळण घेऊन धर्मविर कट मार्गे इच्छित स्थळी जाऊ शकणार आहेत.

प्रवेश बंदी आणि पर्यायी मार्गांचा वापर 16 मार्च 2026 ते 30 एप्रिल 2026 पर्यंत वाहतुकदारांना करावा लागणार आहे. फायर ब्रिगेड, रूग्णवाहिका, पोलीस वाहने आणि इतर अत्यावश्यक सेवेतील वाहनांना कोणतेही नियम लागू नसतील.

view comments