'गरम भजी घेऊन ये, भूक लागलीये', पतीला हॉटेलमध्ये पाठवलं, बस स्टँडवरूनच पत्नी पळाली!

लग्नाला फक्त तीन महिने झालेले असतानाच पत्नी तिच्या पतीला बस स्टँडवरच सोडून पळाली आहे. पत्नीने बस स्टँडवरच्या स्टॉलवर नवऱ्याला भजी आणायला पाठवलं. नवरा जसा भजी आणायला गेला ते पाहून पत्नी तिथून पळून गेली. पीतम सिंग याचं लग्न 1 डिसेंबर 2025 ला रिमझिम नावाच्या 18 वर्षांच्या मुलीसोबत झालं. होळीनिमित्त रिमझिम तिच्या माहेरी गेली होती. सण संपल्यानंतर 9 मार्चला पीतम त्याच्या पत्नीला आणण्यासाठी सासरी पोहोचला आणि दोघंही निघाले.