भारतातील एकमेव ठिकाण! इथून थेट फॉरेनला पोहोचाल, तब्बल 150 ठिकाणांची सफर

भारतातील वाहतूक सेवांच्या जवळजवळ प्रत्येक क्षेत्रात मोठ्या सुधारणा होत आहेत. आज आपण हवाई वाहतुकीचा एक महत्त्वाचा भाग असलेल्या विमानतळांबद्दल बोलत आहोत. भारतातील कोणतं विमानतळ देशांतर्गत आणि आंतरराष्ट्रीय स्तरावर 150 वेगवेगळ्या ठिकाणी थेट प्रवासाची सुविधा देतं हे तुम्हाला माहिती आहे का?

न्यूज दिल्ली एअरपोर्टच्या वृत्तानुसार आता इथून थाई एअरएशिया एक्सच्या दिल्ली ते बँकॉक-डॉन मुआंग (DMK) या नवीन थेट विमान सेवेचं लाँचिंग करण्यात आलं. हे 150 वं आंतरराष्ट्रीय कनेक्शन आहे.

या नवीन मार्गाच्या समावेशासह दिल्ली विमानतळ हे भारतातील पहिलं असं विमानतळ बनलं आहे ज्याचे जगभरातील 150 ठिकाणांशी थेट कनेक्शन आहे. म्हणजे दिल्लीचं इंदिरा गांधी आंतरराष्ट्रीय विमानतळ म्हणजे आयजीआय एअरपोर्ट आता जगभरातील 150 ठिकाणी थेट उड्डाणं देतं.

दिल्ली विमानतळाने गेल्या काही वर्षांत जागतिक स्तरावर आपली उपस्थिती लक्षणीयरित्या वाढवली आहे, प्रवाशांनी नोम पेन्ह, बाली डेन्पासर, कॅलगरी, मॉन्ट्रियल, व्हँकुव्हर, वॉशिंग्टन डलेस, शिकागो ओ'हारे आणि टोकियो हानेडा यासारख्या अनेक प्रमुख परदेशातील ठिकाणी प्रवास केला आहे.

या इतक्या ठिकाणांवर प्रवाशांचा प्रवास हे सिद्ध करतो की आयजीआयचं वेगाने विस्तारणारं जागतिक नेटवर्क केवळ उत्कृष्ट कनेक्टिव्हिटी प्रदान करत नाही तर विविध प्रवास गरजा सहजपणे पूर्ण करते.