Indian Railway : फक्त 68 पैशांत एसी प्रवास! भारतातील सर्वात स्वस्त सुपरफास्ट ट्रेन; वंदे भारतलाही टक्कर देते

भारतीय रेल्वे दररोज हजारो गाड्या चालवतं आणि ट्रेनमधील सुविधांनुसार त्यांचं तिकिट वेगवेगळं असतं.  एसी कोचचं भाडं, स्लीपर किंवा जनरल-पर्पज कोचपेक्षा जास्त असते, पण अशी एक ट्रेन जी एसी प्रवास अगदी स्वस्तात करायची संधी देते. फक्त स्वस्तच नाही तर वेगात ते वंदे भारत एक्सप्रेस आणि राजधानी एक्सप्रेस सारख्या प्रीमियम गाड्यांनाही टक्कर देते.

या ट्रेनला गरीब रथ एक्सप्रेस म्हणतात, जी गरिबांची राजधानी म्हणूनही ओळखली जाते. ही भारतातील सर्वात स्वस्त एसी ट्रेन आहे. वंदे भारत आणि राजधानी एक्सप्रेस सारख्या ट्रेनचे भाडे बरेच जास्त असलं तरी, गरीब रथ फक्त 68 पैसे प्रति किलोमीटर दराने पूर्णपणे एसी प्रवास देते. या कमी भाड्यामुळे ही ट्रेन सर्वांना सहज परवडणारी बनते. सामान्य माणूस देखील आरामदायी प्रवासाचा आनंद घेऊ शकतो.

2006 मध्ये सहरसा (बिहार) आणि अमृतसर (पंजाब) दरम्यान पहिली गरीब रथ सेवा सुरू झाली तेव्हा ही ट्रेन सुरू झाली. आज ही ट्रेन दिल्ली-मुंबई, दिल्ली-चेन्नई आणि पटना-कोलकाता सारख्या प्रमुख शहरांना जोडणाऱ्या 26 मार्गांवर धावते. या ट्रेनची मागणी इतकी जास्त आहे की कन्फर्म तिकीट मिळणं कठीण आहे.

वंदे भारत एक्सप्रेसचा कमाल वेग ताशी 160 किलोमीटर आहे, पण तिचा सरासरी वेग ताशी 66 ते 96 किलोमीटर आहे. दुसरीकडे गरीब रथ एक्सप्रेस सरासरी 70-75 किलोमीटर प्रति तास वेगाने धावते, जे देशातील काही वेगवान गाड्यांच्या तुलनेत आहे. याचा अर्थ असा की स्वस्त असूनही, ती कमी वेगवान नाही.

सर्वात लांब गरीब रथ मार्ग चेन्नई ते दिल्लीतील हजरत निजामुद्दीन पर्यंत आहे. जो 28 तास 30 मिनिटांत 2075 किलोमीटर अंतर कापतो. या मार्गासाठी थर्ड-एसीचे भाडे फक्त 1500 रुपये आहे. त्याच मार्गावरील राजधानी एक्सप्रेसचं थर्ड एसी भाडे 4210 आहे, जे गरीब रथच्या किमतीच्या जवळजवळ तिप्पट आहे. याचा अर्थ तुम्हाला एक तृतीयांश किमतीतही तेच आराम मिळेल. गरीब रथचे भाडे प्रति किलोमीटर फक्त 68 पैसे आहे, जे एसी प्रवासासाठी खूप किफायतशीर आहे.