बॉडी बनवण्यासाठी तरुणांनी घेतलं कुत्रा, घोड्यांना दिलं जाणारं इंजेक्शन; झाली अशी अवस्था

आपली बॉडी व्हावी असं कित्येक तरुणांना वाटतं. यासाठी जिमशिवाय काही तरुण इतरही पर्यायांचा अवलंब करतात. सध्या मसल्ससाठी तरुणांमध्ये विचित्रच क्रेझ आहे. कुत्रा, घोड्यांसारख्या प्राण्यांना दिलं जाणारं इंजेक्शन हे तरुण घेत आहेत.

हे औषध एका ऑस्ट्रेलियन कंपनीच्या नावाखाली विकलं जात आहे. सोशल मीडियाद्वारे जिम उत्साही लोकांशी संपर्क साधला जात आहे आणि इंजेक्शनचा प्रचार करण्यासाठी मोफत नमुने पाठवले जात आहेत.

जिम ऑपरेटर आणि ड्रग डीलर्स सोशल मीडियावर त्याचा प्रचार करत आहेत आणि दावा करत आहेत की ते बॉडीबिल्डिंगमध्ये मदत करतं.

काही औषध विक्रेते परवानगीशिवाय हे इंजेक्शन्स विकत आहेत, ज्याची किंमत 8000-10000 रुपये आहे. या इंजेक्शन्समध्ये स्पष्टपणे म्हटले आहे की ते हृदयाच्या धमन्या उघडण्यास आणि रक्त प्रवाह वाढवण्यास मदत करतात.

जरी रुग्ण सुरुवातीला या इंजेक्शन्सचा वापर उघड करत नसले तरी, इतिहास तपासणी आणि पुढील तपासणीत अनेकदा असं दिसून येतं की ते इंजेक्शन्स आणि स्टिरॉइड्स दोन्ही घेत आहेत.

ही इंजेक्शन्स वापरणाऱ्या एका व्यक्तीने सांगितलं की, त्याने स्वतः ती इंजेक्शन्स घ्यायला सुरुवात केली. इंजेक्शन्सशिवाय व्यायाम करणं तर दूरच, वजन उचलणंही कठीण होतं.

दैनिक भास्करच्या वृत्तानुसार सहाय्यक आयुक्त (औषधं) अमित दुग्गल यांनी सांगितलं, आमच्या तपासणीत असं आढळून आलं आहे की या इंजेक्शन्सचा वापर करणाऱ्या तरुणांमध्ये एसजीओटी आणि एसजीपीटीची पातळी वाढली आहे, त्यांना भूक लागत नाही. या इंजेक्शन्सचा वापर करणाऱ्या तरुणांमध्ये नपुंसकता देखील झपाट्याने वाढत आहे. किडनी आणि लिव्हरचं नुकसान होत आहे, हृदयविकाराचे झटके देखील वाढले आहेत. (सर्व फोटो : प्रतीकात्मक)