Ambadas danve : लक्षवेधीच्या माध्यमातून तहसीलदारांना ब्लॅकमेल? कथित ऑडिओ क्लिपवर दानवेंचा खुलासा

पुणे, (चंद्रकांत फुंदे, प्रतिनिधी) : गुरुवारपासून विधीमंडळाचे पावसाळी अधिवेशन सुरू होत आहे. यात लक्षवेधी सूचना हा कळीचा मुद्दा समजला जातो. मात्र, अधिवेशन सुरू होण्याआधीच लक्षवेधी वरुन नवा वाद निर्माण झाला आहे. 'आपल्याविरोधात चुकीच्या माहितीच्या आधारे धादांत खोटी लक्षवेधी सुचना लावण्याचा प्रयत्न' झाल्याचा आरोप पुणे जिल्हा गौण खनिज अधिकारीपदाचा कार्यभार असलेल्या तहसिलदार ज्योती देवरेंनी केला आहे. त्याबाबतची एक ऑडिओ क्लिप व्हायरल होत आहे. विधान परिषदेचे विरोधी पक्षनेते अंबादास दानवे यांच्या पीएने हा कॉल केल्याचा दावा केला जात आहे. यावर आता खुद्ध अंबादास दानवे यांनीच खुलासा केला आहे.